​​Буряадай «Үльгэр» театр Кавказай можо нютагууд руу зорихонь

Бүхэроссиин «Алтан баг» шангай дүрбэн удаа лауреат, табан удаа тус шанда дэбжүүлэгдэһэн «Үльгэр» гэһэн хүүхэлдэйн театр түрүүшынхиеэ Хойто Кавказай улас оронуудаар зохёохы аяншалга хэхэнь гээшэ.

Сентябриин 20-һоо 29 болотор Назрань, Грозный, Нальчик, Владикавказ, Цхинвал хотонуудта 3 зүжэг харуулагдаха. Тус аяншалга «Ехэ гастроль» гэһэн программын хэмжээндэ эмхидхэгдэнэ. Тиигэжэ Владикавказай Эдир харагшадай «Саби гэһэн театр октябриин 5-да Улаан-Үдэ ерэхээр харааланхай.

«Үльгэр» театр Эрдэни Жалцановай найруулһан «Зэдэлээтэ зэбэ» (Поющая стрела) гэһэн хүүхэлдэйн зүжэг Кавказай можо нютагуудта харуулха. Энэнь буряад арадай онтохонуудай үндэһөөр зохёогдоһон сэсэн, хурса Мээл-Баатарай түүхэ юм. Гадна «Үльгэр-шоу» гэһэн гаршаг доро Белигма Улзытуевагай хүгжэмтэ ялас гэмэ наадан, Андрей Князьковой табиһан «Дюймовочка гщ, али эжыгээ унтуулха үлгын дуун» (Дюймовочка, или Колыбельная для мамы) гэһэн сэдьхэл хүдэлгэмэ зүжэг дурадхаха.

Абяа найруулагшад, зүжэгшэдэй хубсаһа хунар бэлдэгшэд болон тайзан шэмэглэн заһагшад – дүн хамта 20 хүнһөө бүридэһэн бүлгэм аяншалгада гарахаар бэлэн. 

Буряад Уласай соёлой яаманай мэдээсэлэй албанай гэрэл зураг