954
Буряад Уласай ниислэлэй трамвайн парк набтар шалатай шэнэ трамвайтай болоо. Сентябриин 6-да 71−911М «Львёнок» гэһэн түхэлэй вагон 4-дэхи маршрудта гараа. 2019 оной дүүрэтэр Улаан-Үдэдэ үшөө 14 иимэ трамвайнууд ерэхэ.
- Мүнөөдэрэй үйлэ хэрэгые бидэ удаан хүлеэгээбди. Шгэнэ нэбтэрүүлгэнүүдтэй түрүүшын трамвайтай болообди. Жэлэй дүүрэтэр Улаан-Үдэ үшөө 14 иимэ вагонууд ерэхэ. Энэ хадаа ажаһуугшадые шэрэхэ, оршон тойрон байгаалида хохидол үзүүлдэхэгүй талаар транспорт хүгжөөлгэдэ горитой хубита оруулагдаба, - гэжэ Улаан-Үдэ хотын ниислэл засаг даргын үүргэ гүйсэдхэгшэ Игорь Шутенков хэлээ.
Тус трамвай болбол набтар шалатай, гэхэтэй хамта, вагон гар утаһанай USB-сэнэглэгшэтэй. Тэрэшэлэн энэ шэнэ тээбэри жолоошондошье зохид – трамвайн кабина соо уужам һаруул ба шууягүй.
- Трамвайда интерактивна хүтэлбэритэй, харгын хараха газаа талаһаа видео хиналтатай, жолоошоной ажалай һууриин аюлгүйн хамгаалалтатай, жолоошондо туһа хүргэхэ тоногтой, - гэжэ эдэ вагонуудые үйлэдбэрилдэг «ПК Транспортные системы» компаниин захирал Борис Боровой нэмэжэ хэлэнэ.
Буряад Уласай Тээбэриин яаманай тэмдэглэһэнэй ёһоор, шэнэ вагонуудые худалдан абалга уласай эдэй засагай хүгжэлтын хүгжөөхэ түбүүдэй түсэбэй хэмжээ ябуулгануудай нэгэ хубинь болоно. Тиихэдэ Алас Дурнын тэдхэмжын хэмжээндэ 498 сая гаран түхэриг һомологдоо. Гэхэтэй хамта, 2021 ондо трамвайн харгы заһабарилга түсэблэгдэнхэй.
- 2021 он болотор 6,6 модоной зайда трамвайн харгы заһабарилгдаха, тэрэнэй 2,2 модоной зай энэ жэлдэ хэгдэхэ, - Тээбэриин яаманай тээбэриин, оньһото мэдээсэлэй ба хэлхеэнэй хорооной түрүүлэгшэ Сергей Южаков дуулгаа.
Анна Огороднигой гэрэл зураг
