809
«Үхибүүн бүхэнэй амжалта» гэһэн түсэлөөр Буряад Уласай болбосоролой болон эрдэм ухаанай яаман 2020-2022 онуудта мүнгэн һомололгодо хүртэхэ федеральна мүрысөөндэ илалта туйлаа. 343 сая шахуу түхэриг һургалгын болон хүмүүжүүлгын тоногжуулгада дамжуулагдаха.
Тиигэжэ 2021 болон 2022 онуудта нүүдэл хоёр кванториум байгуулхаар түсэблэгдэнэ. Кванториум бүхэниие байгуулгада 17,38-17,38 сая түхэриг һомологдохо.
- Эдэ хэмжээ ябуулгануудай ашаар, үхибүүдтэ болбосон, хүгжэнги оршон байгуулагдаха, технологическа шэнэ байгуулгада түрүү шэглэлэй алхам хэгдэбэ, - гэжэ Буряад уласай болбосоролой болон эрдэм ухаанай сайд тэмдэглэбэ.
Байгша ондо хүүгэдэй «Кванториум» технопаркын шэнэ таһаг – улас доторхи түрүүшын нүүдэл кванториум ажалаа эхилхэ гэжэ һануулнабди. Тэрэнэй ашаар, уласай аймагуудта мянганһаа дээшэ үхибүүд техническэ һалбариин зохёохы ажал эрхилхэ аргатай болохо.
Тиихэдэ үлэһэн 308,2 сая түхэриг нэмэлтэ һуралсалай эмхинүүдтэ һууринуудые байгуулгада һомологдохо. 2020 ондо улас дотор 46,7 мянган һэмэлтэ һуралсалай һуури байгуулагдаха юм. Буряад Улас анха түрүүшынхиеэ нэмэлтэ һуралсалай эмхинүүдые хүгжөөхэ талаар мүрысөөндэ хабаадаа гээд тэмдэглэлтэй. Энээнһээ урид, нэмэлтэ һуралсалай эмхинүүдтэ үсөөн үхибүүдэй (50%-һээ доошо) ябадаг һургуулинуудта иимэ тэдхэмжэ үзүүлэгдэдэг байгаа.
Мүнөө Буряад Уласта нэмэлтэ һуралсалай эмхинүүдтэ һурагшадай 67% -нь ябана. 2024 он болотор «Үхибүүн бүхэнэй амжалта» гэһэн түсэлөөр энэ тоо 80% хүрэтэр дээшэлүүлхэ зорилго табигданхай.
Ородой Холбоото Уласай Юрэнхылэгшэ Владимир Путинай «майн» зарлигуудые бэелүүлхэ гэжэ байгуулагдаһан «Болбосорол» гэһэн үндэһэн түсэлэй хэмжээндэ нэмэлтэ һуралсалай һалбари дэмжэхэ, хүгжөөхэ талаар хэмжээ ябуулганууд эмхидхэгдэнэ.
Буряад Уласай Засагай газарай мэдээсэлэй албанай гэрэл зураг
