Буряад Уласай Захаамин аймагай Шара-Азаргын соёлой байшан «Соёл» гэһэн үндэһэн түсэлэй хэмжээндэ заһабарилагдаба. Заһабарилгын ажалнуудта 1 сая 409 мянган түхэриг һомологдоһон байна. Соёлой байшанай нээлгын баяр ёһололдо Буряад Уласай соёлой сайд Соелма Дагаева хабаадалсаа.
Шара-Азаргада 600-гаад хүн ажаһуудаг. Баярай оршондо үнгэрһэн хэмжээ ябуулгада хүгшэн залуугүй сугларжа, гоё һайхан тоглолото хараба.
Соелма Дагаева сугларагшадые амаршалжа, 30 мянган түхэригэй
үнэмшэлгэ бэлэг барюулаа.
- Байгша ондо «Соёл» гэһэн үндэһэн түсэлэй хэмжээндэ 5 номой сан нээгдээ, жэлэй дүүрэтэр 9 кинозал нээгдэхэ, - Соелма Дагаева тэмдэглээ.
Буряад Уласай соёлой яаманай мэдээсэлэй албанай гэрэл зураг