​​Хадуухадаа бэрхэнүүд

Хитадай Чжуха хотодо хадуужа абаха шадабаряар «IAM World Championships 2019» гэһэн дэлхэйн нээмэл мүрысөөн эхилбэ. 20 гүрэнэй дүн хамта 500 гаран хабаадагшад гурбан наһанай бүлэгтэ мүрысэнэ. Тиин 10 шэглэлээр илагшад элирүүлэгдэхэ юм. Жэшээнь, үй түмэн тоонуудые, нааданай картануудые, үгэнүүдые, нэрэнүүд болон нюурнуудые, түүхэтэ үдэрнүүдые хадуужа абаха хэрэгтэй.

Монголой команда 10-20 наһатай 16 тамиршадһаа болон 2 һоригшоһоо бүридэнэ. Тэдэ мүрысөөнэй эхилэн сасуу дэлхэйн эрхим хэдэн туйлалта шэнэлэн тогтоожо, бултанай гайхал магтаалда хүртөө.

10 наһатай Б.Жамбалбаярням түрүүшын үдэртэ “Зурагууд” гэһэн шэглэлээр дэлхэйн шэнэ эрхим туйлалта тогтоогоо. Тэрэ 5 минутын туршада 333 зураг һанажа абаа. Даб дээрээ Монголой команда абажа боломоор 45 медальһаа 31- дэнь хүртөөд, түрүүлжэ ябана. Эндэ нэмэжэ хэлэхэдэ, 2017 ондо томошуулай дунда Монголой түлөөлэгшэ Мөнхшүр Нармандах чемпион болоһон байна. Тэрэ 1 часай туршада 1924 карта һанажа абаа юм.

Хадуужа абаха шадабаряар дэлхэйн чемпионат (“Оюун ухаанай олимпиада”) – ямар нэгэн сагай туршада шадаал һаа ехэ мэдээсэл хадуужа абаха эрилтэтэй тамирай мүрысөөн. Тони Бузан болон Рэй Кин гэгшэд хадуун абалгаар бүхэдэлхэйн тамирай зүблэл (WMSC) байгуулжа, энэ мүрысөө эмхидхэдэг болоһон юм. Чемпионат 1991 онһоо эхилжэ, жэл бүхэндэ үнгэргэгдэдэг.

fsafe_image сайтһаа гэрэл зураг