​Буряад уласай Каменск тосхондо 3D-кинотеатр нээгдэбэ

Кабанск аймагай Каменск тосхондо «Соёл» гэһэн үндэһэн түсэлөөр залуушуулай сүлөө сагаа үнгэргэлгын «Сибирь» түбтэ нээгдэбэ.

Буряад Уласай Толгойлогшо Алексей Цыденовэй хэлэһээр, ажаһуугшад дуратайгаар кино хараха ерэхэ.

- Улас дотор 3D юһэн кинотеатр «Соёл» гэһэн үндэһэн түсэлэй хэмжээндэ нээгдээ. Һайн шанартай, һайн абяатайгаар мультфильм болон кино харахада ехэ зохид, - гэжэ класай хүтэлбэрилэгшэ тэмдэглэбэ.

Кабанск аймагай Каменск тосхондо 7,8 мянган хүн ажаһуудаг. Кинотеатрай нээлгын баяр ёһололой үдэр хүн зон олоороо суглараа. Энээнһээ урид тэдэнэр хорёод модоной зайда оршодог Селенгинск гү, али зуунһаа дээшэ модондо оршодог Улаан-Үдэ хүрэтэр ошодог һэн.

Залуушуулай сүлөө сагаа үнгэргэлгын «Сибирь» түбтэ дуунай «Перунов цвет», зохёохы ажалай «Апельсин» студи, «Живой квартал» нэгэдэл, «Кудесница» клуб, хатарай «Лотос» студи, арадай дуунай «Неугомонные» ансамбль ажалаа ябуулдаг. «Сибирь» түбтэ заһабарилгын ажал шата шатаар хэгдэнэ гээд тэмдэглэлтэй. 2014 ондо харагшадай зал заһабрилагдаа, 2015 ондо байшанда газаа талаһаа шэрдэлгэ-будалгын ажал хэгдэһэн байна.

Тиихэдэ «Соёл» гэһэн үндэһэн түсэл бэелүүлгын хэмжээндэ Каменскын соёлой-мэдээсэлэй түб кино харуулха ажалай талаара федеральна табан сая түхэригэй тэдхэмжэдэ хүртөө юм.

Буряад Уласай Засагай газарай мэдээсэлэй албанай гэрэл зураг