758
Шэнэ жэлэй һайндэрнүүдэй үедэ Буряад уласай ойн ажахын агентство Дотоодын хэрэгүүдэй яамантай хамта ойн жаса хамгаалха талаар ажал ябуулаа. Тиигэжэ тэдэнэр суг хамта 270 рейднүүдые үнгэргэжэ, ойдо гаража шалгалтануудые үнгэргэһэн байна.
Шэнэ жэлэй һайндэр угтахаяа бэлдэжэ, ойдо гаража, хуули бусаар модо отолхо дүрбэн ушар элирүүлэгдээ. Энэ гэмтэ ябадалаар захиргаанай протоколнууд абтаһан байна. Ойн жасада долоон мянган түхэригһээ дээшэ хохидол үзүүлэгдээ гээд тэмдэглэлтэй.
Тиигэжэ декабриин 15-һаа январиин 8 болотор хуули бусаар модо отолхо 14 ушар элирүүлэгдээ. Үнгэрһэн жэлтэй жэшэхэдэ, энэнь дүрбөөр ехэ.
Тигэбэшье уласаймнай ажаһуугшад һайндэрэй шэмэг болгон, 3700 модо худалдажа абаһан байна гээд тэмдэглэлтэй.
Хуули бусаар модо отолхо ушар тухай (3012)20-44-44 гэһэн утаһаар гү, али аймагуудай диспетчерскэ албануудта дуулгыт гэжэ ойн харуулшад ажаһуугшадта хандана.
