Дуушан, олзын хэрэг эрхилэгшэ Ринчин Дашицыренов Subaru Legacy B4 түхэлэй авто-унаагаа шагнал болгон барюулхань. Instagram сүлжээ холбоондо улам олон уншагшадтай болохын түлөө энэ ябадал үүсхэбэ гэжэ тоологдоно.
Машинань тон соо шэнэхэн бэшэ юм ха. Гэбэшье drom.ru сайт дээрэ иимэрхүү авто-хүлэгүүд дунда зэргэ 500-гаад мянган түхэригөөр табигданхай байна. Хайшан гээд, тус шагналдань хүртэхэ гээшэб гэжэ арад зоной дунда һэр-мэр гэлдээн боложо эхилэнхэй. Ринчин Дашицыреновэй хуудаһанда захил хэжэ хамаарһан зоной дундаһаа Интернедтэ байдаг тусхай хабсаргалтын ашаар һунгагдаха юм ха.
Хэр үнэн сэхээр илагшань тодоруулагдагша ааб гэжэ һэжэглэһэн хүнүүдтэ:
- Би хүниие мэхэлхэеэ һананагүйб. Тон шударгыгаар дүн гаргагдаха, - гэжэ залуу дуушан өөрөө харюусана.
Мүнөө дээрээ Дашицыреновэй Instagram-да 34,8 мянган хүн захил хэнхэй. Теэд тус үүсхэлэйнь ашаар хэр олоор хүнүүд хуудаһандань хамаарагша ааб – саг харуулха. Дуушанай дуулгаһаар, 3-4 долоон хоног болоод, машинынь шэнэ эзэн элирүүлэгдэхэ.
instagram.com/rinchin_hero