Буряадай оперо болон баледэй театрай оркестр, хатаршад, захиргаанай хүдэлмэрилэгшэд – дүн хамта зуунһаа дээшэ хүн Москва хото февралиин 27-до гарабад. Баледэй 44 хатаршад Кремльдэ үнгэргэгдэһэн Сагаалганда хабаадалсахаяа урид ошонхой гээд тэмдэглэлтэй.
«Геликон-оперын» тайзан дээрэ табигдаха «Талисман» гэһэн балет «Алтан баг» шангай гурбан номинацида дэбжүүлэгдэнхэй: («Баледэй эрхим зүжэг», «Балетмейстер-постановщик», «Эхэнэрэй гол дүрэ»). Мариинска театрай Владикавказай таһагай дирижер Георгий Албегов оркестр хүтэлбэрилхэ.
Гүрэнэйнгөө ниислэл хото хүрэһөөр лэ зүжэг табилгада бэлэдхэл эхилээ. Бэлдхэлэй ажал болон балет Буряадай оперо болон баледэй сайтда хараха арга олгогдоно.
Буряад Уласай Засагай газарай дэмжэлгээр уласаймнай оперо болон баледэй театр «Алтан баг» шангай фестивальда хабаадана.
Буряад Уласай соёлой яаманай мэдээсэлэй албанай гэрэл зураг