​«Угай буусын унтаршагүй гал» гэһэн түрүүшын республиканска фотоконкурсын дүримүү

1. ЮРЭНХЫ ДҮРИМҮҮД

Республиканска фотокон­курс (саашадаа – конкурс) Гэр бүлын, инаг дуранай болон бэе бэедээ үнэн сэхэ байл­гын үдэртэ зорюулагдан, гэр бүлын баялигуудые олондо нэбтэрүүлхэ, энэ асуудалда бүгэдын анхарал хандуулха зо­рилготойгоор, мүн тиихэдэ гэр бүлэ зураглаһан эрхим фото-зурагуудые урмашуулхын тула эмхидхэгдэнэ.

2. КОНКУРСЫН ЗОРИЛГОНУУД:

- гэр бүлын баялигуудые хам­гаалга болон хүгжөөлгэ;

- гэр бүлын дүрэ шарай фото-зурагуудаар харуулха;

- Россиин ниитэ зоной зан сэдь­хэлэй үндэһэ һуури һэргээлгэдэ туһалалга.

3. КОНКУРС ЭМХИДХЭГШЭД

“Буряад үнэн” Хэблэлэй бай­шан 2014 оной апрелиин 1-һээ июлиин 1 болотор хугасаада тус конкурсые эмхидхэн үнгэргэнэ.

4. КОНКУРСДО ХАБААДАХА ЭРИЛТЭНҮҮД

Конкурсдо Буряад Республи­кын ажаһуугшад хабаадаха арга­тай. Ямаршье наһанай хүн хабаа­дажа болохо. Нэгэ хабаадагшаһаа нэгэ номинацида 3-һаа олон бэшэ хүдэлмэри абтаха. Фото-зурагууд 2014 оной июлиин 1 болотор тушаан абтаха. Хүдэлмэринүүд мэдүүлэгдэһэн номинацидаа зо­хисотой байха ёһотой.

Конкурсдо 1200х1600 пиксельһээ бага бэшэ хэмжүүртэй болон jpg түхэлтэй электрон фото-зурагууд хабаадаха.

Фотоколлажнууд болон компьютераар бүтээгдэһэн хүдэлмэринүүд конкурсдо хабаадуулагдахагүй.

Фото-зурагуудта удхыень тайл-барилһан тобшо бэшэлгэ болон автор тухай иимэ мэдээсэл хаб­саргагдаха ёһотой: нэрэ, обог, алдар (дүүрэнээр), түрэһэн үдэр, гэрэй почтово хаяг, электрон хаяг.

Фото-зурагуудые иимэ хаягаар эльгээхэ: 670000, Улаан-Үдэ хото, Каландаришвилиин гудамжа, 23-дахи гэр, “Буряад үнэн” Хэблэлэй байшан, 62-дохи кабинет; үгы гэ­бэл unen@mail.ru гэһэн электрон хаягаар. Заабол “Фотоконкурсдо” гэһэн тэмдэгтэйгээр эльгээхэ хэрэгтэй.

Эрхим фото-зурагууд “Бурятия” болон “Буряад үнэн” сонинуудай хуудаһанууд дээрэ толилогдохо, burunen.ru гэһэн сайт дээрэ та­бигдаха.

5. КОНКУРСЫН НОМИНАЦИНУУД

1. Үбгэн аба хүгшэн эжы хо­ёрнай

2. Түмэн үеын гал гуламта

3. Бага наһанай жаргалтай хаһа

6. КОНКУРС ҮНГЭРГЭЛГЫН БОЛЗОР:

2014 оной апрелиин 1-һээ июли­ин 1 болотор.

7. КОНКУРСЫН ЖЮРИ

“Буряад үнэн” Хэблэлэй бай­шангай хүдэлмэрилэгшэдһөө бүридэһэн жюри “Бурятия” бо­лон “Буряад үнэн” сонинуудта толилогдоһон хүдэлмэринүүд сооһоо эрхимүүдыень шэлэжэ аба­ха.

8. Конкурсын илагшад болон шангай һууринуудые эзэлэгшэд 1, 2, 3-дахи шатын дипломуудаар болон дурасхаалай бэлэгүүдээр шагнагдаха.

Һонирхоһон асуудалнуудаараа 21-66-76 утаһаар хандахада болоно.