Зунай халуун саг. Наран дээрэ, харгы холо. Серёжын эгэшэ дүү хоёр машинын нэгэ жэгдэ хүүеэн соо унташанхай, эжынь баhал hайса hажана хэбэртэй. Хүбүүгээ нүхэр болгон, машинынгаа жолоо бариһан эсэгэнь үе-үе болоод лэ, гэдэргээ Серёжодоо хандажа: «Бү унта, бү унта, ши эрэ хүн гээшэш!» - гэнэ.
«Yгы, би унтанагүйб. Унтанагүйб», - гээд, Серёжа иишэ тиишээ хаража ябатараа, абяагүй, нэгэ хэды соо дуугүй болоһон аад, гэнтэ:
- Харыт, харыт, горелые коровы, горелые коровы! - гэжэ хашхарба. Унташаһан эгэшэ дүү хоёрынь һэришэбэ:
- Юу? Юун гэнэбши? - гэжэ Туяна эгэшэнь асууна.
- Горелые коровы, - гэжэ Серёжа харюусана. Эжынь баhал һэреэд, ехээр гайхан hураба:
- Юу, юу гэнэбши даа? Сережа:
- Горелые коровы говорю, - гэбэ. Эжынь эрьелдэн хараад, hанаагаа заhан дуугарба:
- Аа, хара үнеэдые хараа ха юмши даа. Юун гээшэеэ хараа гээшэб гэжэ гайхаашьеб, сошоодшье абаалби, - гэжэ һанаагаа амарба.
Хотодо үндыжэ байһан багахан Серёжа хаб хара үхэрнүүдые хаанаhаа хараһан байхаб даа, тэдэниие түрүүшынхиеэ харахадаа: «Горелые коровы, горелые коровы!» - гээ юм ааб даа.