1012
Владимир Каурцев Буряадаймнай хойто зүгэй Северобайкальск хотодо ажаһуудаг. Энэ хүн байгаалиһаа үгтэһэн онсо өөрын талаан бэлигтэй уран дархан юм. Наһаараа геологоор хүдэлхэдөө, Владимир түрэл байгаалидаа аргагүй дурлахаһаа гадна, уран дарханай хурса нюдөөр байгаалиин гайхамшагта зүйлнүүдые оножо харадаг онсо шадабаритай болоһон юм.
Владимир Каурцевай урлалнуудые ганса манайшье эндэ бэшэ, һүүлэй үедэ хари гүрэнүүдээршье мэдэдэг болонхой.Байгал далайн хойто захаар аяншалһан хүн бүхэн алдарта далайн һүлдэ тэмдэг болгон, Владимир Каурцевай уран бүтээлнүүдые абажа ошодог. Тэрэнэй бүтээһэн ажабайдалай орёо зүргэнүүдые хуу дабажа, оньһо нюусыень ойлгожо, сэдьхэлдээ хадууһан буурал "Сагаан үбгэн", бүхы баялигаа арад зондоо дэлгэрүүлжэ байһан баян тарган “Байгал”, шуран түргэн “Ангара” басаганиинь, уулын хёрхо бүргэд, нюдөө анидаггүй загаһад... гээд лэ, хуша модоор һиилэһэн олон урлалнууд хүн бүхэнэй зүрхэ сэдьхэл уяруулна.
Описание: Владимир Каурцевай "Сагаан үбгэн" бүтээлынь
Описание: Владимир Каурцевай "Байгал" бүтээл
Северобайкальск хотодо Владимир Каурцев хойто зүгэй үсөөн тоото арадуудай музей байгуулаа. Эндэ тэрэ арадуудай ажабайдал харуулһан уряанайшье, мүнөө үеыншье олон зүйлнүүд табигдажа, уран дарханай зүйлнүүдээр шэмэглэгдээ. Холо, ойроһоо ерэһэн айлшад энэ музейдэ орожо, Байгал шадарай хойто хүйтэн шэрүүн хизаарта ажамидардаг зоной ажабайдалтай хүсэд дүүрэнээр танилсана.
Автор: Сэнгэ РИНЧИНОВ
