958
«Байгалай ёохор-хатар» гэhэн ород арадай соёл урлалай фестиваль Буряадай ниислэл Улаан-Yдэдэмнай сентябриин 24-дэ yнгэргэгдэхэнь.
Дээдэ-Онгостойдо оршодог Байгал далайн ара талаар ажаhуудаг арадуудай музейдэ болохо энэ хэмжээ ябуулгын үедэ ород дуунай, хатарай болон бусад конкурснууд болохо.
Эндэ республикымнай Бэшүүр, Баунтын эбэнхэ, Баргажан, Зэдэ, Захаамин, Загарай, Ярууна, Ивалга, Кабанскын, Хяагта, Мухар-Шэбэр, Байгал шадарай, Тарбагатай, Хори аймагуудhаа, тиихэдэ Улаан-Yдэhөө хамта дээрээ арадай аман зохёолой, уран бэлигэй 50 шахуу бүлгэмүүд хабаадалсаха тухайгаа мэдүүлээд байна. Онсолмоор юуб гэхэдэ, хуушан номто үнэн алдартанай ехэ хурал тэндэ боложо, Ород hүмэ бодхоогдожо эхилхэ. Тэрэнэй торхо Загарайн тойрогой үнэн алдарта шажантаниие хүтэлэгшэ Олег Исаев эсэгэдэ тэрэл үдэшэндөө дамжуулагдаха юм байна.
Дарима ДОНДОКОВА, “Буряад Үнэн” мэдээсэлэй агентство
