​"Байгал", "Байкал" уншагшадтаяа уулзаба

“Номой дугуйлан” гэһэн уулзалгануудай хэмжээндэ уран зохёолой болон ниитэ улас түрын “Байгал”, “Байкал” сэтгүүлнүүдэй түлөөлэгшэд “Рipls Park” гэһэн комплекс соо уншагшадтаяа уулзаба. 

Уулзалгын эхиндэ “Байгал” сэтгүүлэй редактор, Буряадай арадай поэт Галина Базаржапова-Дашеева үгэ хэлэхэдээ, сэтгүүлэй түүхэ болон мүнөө үеын байдал тухай тобшохоноор хөөрөө, удаань өөрынгөө уянгата шүлэгүүдые буряад болон ород хэлэнүүд дээрэ уншаа.

Автор: Туяна Дыленова
Описание: “Байгал” сэтгүүлэй редактор, Буряадай арадай поэт Галина Базаржапова-Дашеева

“Байкал” сэтгүүлэй харюусалгата секретарь Ольга Хандарова дүрбэдэхи дугаарай удха тухай, автор бүхэн тухайнь тобшохоноор хөөрэбэ. Үе-үе болоод сэтгүүлдэ зохёолнуудаа толилуулжа байдаг бэшээшэд – Российска Уран зохёолшодой холбооной гэшүүн Юрий Извеков, Аркадий Перинов, Юрий Шауров гэгшэд шүлэгүүдээ ульһатай зэдэлээтэйгээр уншажа, сугларагшадые һонирхуулаа.

“Буряад үнэн” Хэблэлэй байшанай бүтээлнүүдые олоной дунда дэлгэрүүлдэг ажалтай Лариса Цыбенова бүхэли үдэрэй туршада уншагшадтай харилсажа, журналнуудаа худалдаһан байна.

Автор: Туяна Дыленова
Описание: Ольга Хандарова 

Автор: Туяна Дыленова
Описание: Юрий Извеков

Автор: Туяна Дыленова
Описание: Уулзалгын үедэ