980
Үнгэрһэн жэлдэ Монгол ороной Хэнтэй аймагай уран гартайшуул «Монголой нюуса тобшо» зохёолые һэеы дээрэ хээ, угалза гарган оёжо эхилһэн юм. Энэ бүтээл 24 ханатай һэеы гэртэ үлгэгдэжэ, холын аяншадта, нютагай зондо харуулагдаха.
Тус урлалые 64 хүн бүтээжэ эхилhэн аад, хожомынь Монголой 21 аймагаар һэеы-зураг «аянда гаража», уласай бүхы урашуул тус хэрэгтэ хабаадаһан байна. Мүнөө дээрээ Дорнод аймагай 1200 оёдолшон уран бүтээл дээрэ хүдэлжэ байна.
Иимэ hонирхолтой, түүхэтэ зураг бүтээлые эмхидхэһэн «Хан Хэнтийн гар урашуул» гэжэ компаниин һанамжаар, дэлхэйдэ иимэ аргаар бүтээгдэhэн зурагай үгы тула тэрэ Гиннесэй номдо заатагүй бэшэгдэхэ байха.
Монгол туургата арадуудай XIII зуун жэлэй ажабайдал, ёһо заншал түгэс зураглаһан бүтээлые монгол үндэһэтэнэй хээ угалзануудаар шэмэглэһэниинь дэмбэрэлтэй.
Автор: МОНЦАМЭ агентство
