​Һээр шаалган

«Захаамин аймаг» гэһэн нютагай засагай байгуу­ламжын, «Санага» гэһэн сомоной захиргаанууд Сагаан һараяа, Тахяа жэлээ угтуу­лан, энэ һарын 18-да Захаамин ай­магай Санага нютагта һэер (һээр) сохилгоор мүрысөө үнгэргэхэнь.

Энэ мүрысөөн бүгэдэ буряадай «Алтаргана-2016» нааданай hээр сохилгын абарга боложо тодорһон Санагын Денис Доноевой шан­гуудай түлөө, Захаамин аймагай байгуулагдаһаар 90 жэлэй ойдо зо­рюулагдана.

Һээр сохилгоор Буряад Уласай ай­магуудай, хүршэ Эрхүү можын, Үбэр Байгалай хизаарай һээршэд уриг­данхай. Мүн лэ Улаан-Үдын болон хүршэ хотонуудай ниитын эмхинүүд, хамжаанууд, олзын хэрэг эрхилэгшэд уригдаа.

Хабаадаха айлшадай бүлэг бүхэн 5 хүнһөө бүридэхэ. Дүримэй ёһоор, хабаадагшад наһанай хэмжээгээр дүрбэн бүлэгтэ хубаарха: 14-тэйһөө 21 хүрэтэр, 21-һээ 36 наһа хүрэтэр, 36-һаа 51 хүрэтэр, тиигээд 51 наһанһаа дээшэ. Эхэнэрнүүд амяараа бүлэгүүд боложо хабаадаха. Тиихэдэ бултадаа үндэһэн хубсаһаараа хабаа­даха ёһотой.

Гол эрилтэнүүдэй зарим тэдыень һануулая

Хабаадаха айлшадай бүлэг бүхэн таба-табан һээр асарха. Тиихэдэ уридшалан 5 000 түхэриг түлбэри мүрысөөнэй жасада оруулха.

Мүрысөөндэ хожомдохогүй, архи уухагүй, шүүлгын бүлэгтэй гү, али хэн нэгэн гэшүүнтэй арсалдаа үүсхэхэгүй. Иимэ үзэгдэлнүүдэй ушараа һаа, бүлэгүүдэй мүрысөөндэ хабаадахань хоригдохо.

Шагналнууд

Илагшад Хүндэлэлэй грамотануу­даар, мүнгэн шангуудаар шагнагда­ха: 1-дэхи һуури – 3 мянган түхэриг, 2-дохи һуури – 2 мянган түхэриг, 3-дахи һуури – 1 мянган түхэриг. Абаргада морин эрдэни барюулагда­ха. Тиихэдэ баһа тусхай шангууд ха­раалагданхай.

Илаһан бүлэгүүдые иимэ шангууд хүлеэнэ:

1-дэхи һуури – 7 мянган түхэриг, 2-дохи hуури– 5 мянган түхэриг, З-дахи hуури – 3 мянган түхэриг.

Буурал хангай Захааминай

Буурашагүй алдартай Санагада

Бии арга шадалаа гаргажа,

Һэершэ үндэр солоёо

Үргэн байжа дуудуулыт,

Алдар ехэ солоёо

Аймаг айлаараа дуулгыт!

Бүхы асуудалнуудаар «Захаамин аймаг» гэһэн нютагай засагай бай­гууламжын захиргаанай залуушу­улай болон бэеын соёлой, тамирай таһагта иимэ утаһануудаар хандаха­да болохо:

8 (30137) 4-36-08; 8 (30137) 4-31- 46; 8 914 980 30 85 – Арсалан Ивано­вич Батуев,

8 914 058 22 08 – Борис Владими­рович Осодоев,

8 924 651 90 86 – Баир Валентино­вич Жамьянов.

Хаяг: Закаменск хото, Ленинэй гу­дамжа, 17, 22-дохи таhалга.