​“Сагаалганай уулзалганууд” – номой санда

Мүнөө жэлэй “Сагаалганай уулзалгануудта” “Буян далай Сагаалган” гэһэн номой үзэсхэлэн һарын туршада дэлгээгдэхэ.

Мартын арбанда Буряад Уласай Уран зохёолшодой Холбооной гэшүүн, ирагуу найрагша Нина Артугаевагай “Сэлэнгымни хабар” гэһэн шүлэгүүдэй согсолборитой танилсалга эмхидхэгдэхэ.

Мартын арбан зургаанда Буряад Уласай гүрэнэй шангай лауреат, Оросой Холбоото Уласай гүрэнэй соёлой габьяата хүдэлмэрилэгшэ, Буряад арадай уран зохёолшо Сергей Цырендоржиевай 80 жэлэй ойн баярта зорюулһан “Аша габьяань асари ехэ” гэһэн зохёохы үдэшэ үнгэргэгдэхэ юм.

Эдэ хэмжээ ябуулгануудта уран зохёолшод, ирагуу найрагшад, хэлэ бэшэг шэнжэлдэг эрдэмтэд, сурбалжалагшад, дуушад ба зүжэгшэд, һурагшад болон нютагаархидынь хабаадалсаха юм гэжэ Үндэһэтэнэй Номой сан мэдээсэнэ.

Дарима АНАНДАЕВА