1137
Тус хэмжээ ябуулга хадаа “Найдал -2018” гэһэн Хүгжэмэй уласхоорондын табадахи конкурсын бэлэдхэлэй шата болохо юм. 2007 онһоо эхилһэн энэ урилдаан бэлиг талаантай залуу хүгжэмшэдые элирүүлжэ дэмжэхэ, хүүгэдэй соёл, урлагай һургуулинуудай болон хүгжэмэй дунда мэргэжэлэй һургуулинуудай багшанарай дүй дүршэл дээшэлүүлхэ гэһэн зорилгонуудые бэелүүлдэг.
“Найдал -2018” зургаан номинацяар үнгэргэгдэхэ: фортепиано, ород арадай клавишна зэмсэгүүд (баян, аккордеон), ород арадай хүгжэмэй хүбшэргэйтэ зэмсэгүүд (домра, балалайка, гитара), буряад арадай хүгжэмэй зэмсэгүүд, духовой болон ударна зэмсэгүүд , скрипкэ, виолончель . Тус мүрысөөндэ долоо наһатайһаа арбан юһэ хүрэтэр наһатай хүүгэд болон залуушуул хабаадаха аргатай. П. И. Чайковскиин нэрэмжэтэ хүгжэмэй колледждо шэлэн абалгын шата үнгэргэгдэхэ.
Апрелиин 5-да үглөөнэй 10 сагта хүгжэмэй мүрысөөн колледжын тоглолтын танхим соо эхилхэ. Апрелиин 7-до лауреадуудай гала-концерт болон илагшадые шагналгын баяр ёһололоор тус хэмжээ ябуулга түгэсэхэ юм.
Буряад Уласай соёл, урлагай һургуулинуудай багшанар, үшөө тиихэдэ П.И. Чайковскиин нэрэмжэтэ Москвагай гүрэнэй хүгжэмэй консерваториин багша Пурыжинский М.В. ( фортепиано), Омск хотын гүрэнэй филармониһоо Кононов Ю. М. (баян) гэгшэд жюриин гэшүүдээр уригданхай. Айлшад мастер-классуудые болон тоглолто харуулха юм гэжэ Буряад Уласай Соелой яаман мэдээсэнэ.
