765
Хяагта аймагай хизаар ороноо шэнжэлэлгын музейдэ “Для меня обернется Римом..” гэһэн үзэсхэлэн нээгдэбэ.
Энэ хэмжээ ябуулга Хяагтаһаа гарбалтай ирагуу найрагша, уран зохёолшо, оршуулагша Михаил Михайлович Шихановай түрэһөөр 80 жэлэй ойн баярта зорюулагдана.
Михаил Михайлович Шиханов Хяагта хотодо 1937 оной ноябриин 7-до түрэһэн юм. Үшөө 8-дахи класста һуража байхадаа, тэрэ түрүүшынгээ шүлэг бэшэһэн байна. Һургуулияа дүүргээд, Д. Банзаровай нэрэмжэтэ Буряадай гүрэнэй дээдэ һургуулида түүхын, хэлэ бэшэгэй һалбарида ороһон юм. Оюутан байхадаа, “Свет над Байкалом” гэһэн сэтгүүлэй дэргэдэхи уран зохёолой эблэлдэ ябадаг байгаа. Энэл сэтгүүлдэ түрүүшын шүлэгүүдынь хэблэгдэһэн юм.Институт дүүргэһэнэй удаа “Знамя Ленина” сониндо, “Байгал” сэтгүүлдэ, Буряад телевиденидэ хүдэлһэн байна.
Түрэһэн, үдэһэн тоонтодоо Михаил Шихановай дуратайень тэрэнэй шүлэгүүдые уншаад ойлгохоор. Түрэл нютагаа, оршон тойронхи байгаалияа, Хяагта хотоёо шүлэгүүд соогоо тэрэ түүрээн магтаһан байха юм.
М. Шихановай 80 жэлэй ойн баярта зорюуагдаһан хэмжээ ябуулгада һурагшад олоороо хабаадаһан байна. Тэдэнэр ирагуу найрагшын шүлэгүүдые, зохёолнуудые уншаба.
Хяагта нютагаархид ирагуу найрагшаар омогорходог юм. Тэрэнэй нэрээр хотын гудамжа нэрлэгдэнхэй гээшэ.
Жэл бүри Хяагтын хизаар ороноо шэнжэлэлгын музейдэ, һургуулинуудта ирагуу найрагшын дурасхаалда зорюулагдаһан “Шихановские чтения” үнгэргэгдэдэг байна.
