1143
Буряад Уласай Соёлой яаманда Баир Дугаровай 70 наһанай баярта зорюулагдаһан хэмжээ ябуулгануудые үнгэргэхэ тухай хэлсэбэ.
Байгша ондо Буряад арадай ирагуу найрагша Баир Дугаров 70 наһатай болохонь. Буряад Уласай Соёлой яаманда энэ баяр ёһололдо зорюулагдаһан хэмжээ ябуулгануудые үнгэргэгэхэ тухай зүблөөн үнгэрбэ.
Буряад Уласай Соёлой сайдай уялга дүүргэгшэ Тимур Цыбиков, ирагуу найрагша Баир Дугаров, Соёлой, Болбосоролой болон эрдэм ухаанай яамануудай таһагуудай хүтэлбэрилэгшэд, зохёохы болон эрдэм ухаанай һалбариин, олондо мэдээсэл тараадаг хэрэгсэлнүүдэй түлөөлэгшэд, соёлой эмхи зургаануудай хүтэлбэрилэгшэд болон нютагаархидынь энэ зүблөөндэ хабаадаба.
Уулзалгын үедэ Баир Дугаровай болон бусад хүнүүдэй хэмжээ ябуулга яагаад үнгэргэгдэхэб тухай дурадхалнууд оруулагдажа, хэлсэгдэһэн байна. Удаань баяр ёһололой уулзалганууд хаана, хэзээ, хайшан гэжэ эмхидхэгдэхэб гэжэ шиидхэбэринүүдые абаба. 2017 оной намар хэмжээ ябуулганууд үнгэргэгдэхөөр түсэблэгдэбэ.
Баир Дугаров хадаа Ородой Холбоото Уласай Соёлой габьяата хүдэлмэрилэгшэ,Ородой Уран зохёолшодой холбооной гэшүүн, Буряад арадай ирагуу найрагша, хэлэ бэшэгэй доктор, Буряад Уласай гүрэнэй шангай лауреат, Буряад Уласай Засагай газарай дэргэдэхи Соёлой, урлагай зүблөөнэй гэшүүн, гэһэн нэрэ зэргэнүүдтэй юм. 2014 ондо “Азийский аллюр” гэһэн шүлэгүүдэй согсолбори хэблэжэ, Баир Дугаров Гүрэнэй шангай лауреадай нэрэ зэргэдэ дахин хүртэһэн байна.
Буряад Уласай Соёлой яаманай сайтһаа гэрэл зураг абтаба.
