​"Зам" соо залуушуул сугларна

Буряад угсаатанда хабаатай шэглэ­лээр ажалаа ябу­улдаг “Зам» гэжэ үндэһэтэнэй маркедай танхим соо түүхын, уран зохёолой, соёлой, шажа­най, гэгээрэлэй болон бэ­шэшье асуудалнуудаар улад зон олоороо уулза­даг болоод байна.

Уран зохёолой уулзалга­нуудта Намжил Нимбуевай ирагуу найраг, буряад ара­дай алдарта баатарнууд- Шоно баатар, Шэлдээ занги, Балжан хатан тухай, буря­ад уран зохёолшодой баа­тарнууд тухай уран зохёол соо домоглогдоһониие, “Буряад эхэнэрэй һайхан шарай уран зохёолдо” гэһэн сэдэбээр БГУ-гай багша Ирина Владимиров­на Булгутова гүнзэгы уд­хатай, сэдьхэл хүдэлгэмэ хөөрөөнүүдые шадамар бэрхээр эмхидхэһэн байха юм.

Ирагуу найрагай бүхэдэлхэйн үдэр – мартын 21-дэ “Зам” соо тэмдэглэг­дэбэ.

Танхим соо залуушуул олоороо суглараа. “Зам”-ай хүтэлбэрилэгшэ Аюна Цы­бикова айлшадые Ирагуу найрагай үдэрөөр амар­шалба.

Алексей Шаманский өөрынгөө зохёоһон уран шүлэгүүдые гитара дээрэ хүгжэмдэн дуулажа үгэбэ. Екатерина Малофеевагай ирагуу найраг олоной ан­харал татаба. Һүүлээрнь Никита Ситников “Пятый час” бүлэгтэй хэдэн дуу ду­улаба. Саашань Элбэк Зан­драев зохёоһон шүлэгүүдээ уншаба. Сэдьхэлдээ бодоһон бодолнуудаа буря­адаар шүлэглэхэдэнь, олон­до һайшаагдаба. Баярма Занаевагай шүлэгэйнгөө мүрнүүдые уянгатуулан уншахадань, эндэ суглараг­шад альгаа ташан дэмжэбэ. Николай Алтаевай ажабай­дал, олониитэ, амидарал тухай шүлэгүүдээ уншаха­дань, хүнүүдэй һанаагаа зободог асуудалнууд тухай шүлэглэхэдэнь, хүнэй до­соо хүлгөөтэй болоно.

Залуу найрагшадай уран шүлэгүүд залуушуул­да зохидшоогдоно хаш, су­гларагшад халуунаар аль­гаа ташан дэмжэбэ.

Мэдээжэ найрагшад Есугей Сындуев, Юрий Из­веков, Елена Жамбало­ва гэгшэдэй шүлэгүүдые һонирхон шагнабабди.

Хабар, инаг дуран, ажамидарал тухай олон шүлэгүүд зэдэлбэ. Бэлиг­тэй залуу найрагшад урга­жа байна гэжэ уулзалгада хабаадагшад сэдьхэлээ ха­наад тараба.