1043
Апрелиин 21-дэ үдэшын 7 сагһаа 11 болотор Үндэһэтэнэй номой санда “Библионочь. Нежданное путешествие.”гэһэн Бүхэроссиин акци үнгэргэгдэхэ.
Энэ хэмжээ ябуулга бүхы дэлхэйдэ мэдээжэ “Властелин колец” гэһэн 3 боти ном болон “Хоббит” гэһэн туужада зорюулагдана. Юундэб гэхэдэ, олондо суутай болоһон “Хоббит” гэһэн туужын мүндэлһөөр 80 жэл, тэрэнэй зохёогшо Джон Рональд Руэл Толкин гэгшын түрэһөөр 125 жэлэй ойн баяр тэмдэглэгдэхэнь.
Джон Толкин гэгшын номуудта, аяншалгада дуратайшуулые Үндэһэтэнэй номой сан угтан абаха юм.
Замби түбиин 4-дэхи галаб тухай бэшэһэн Ник Перумов айлшаар бууха.
Дж. Р. Р. Толкиной зохёолой Шир нютагые “MoreArt” студитай хамта зураха, “Baikal Nomads” бүлэгэй диджейнүүдэй этно-хүгжэм шагнаха, Александр Ихиритовэй бюджетнэ аяншалга тухай мэдэхэ боложо, тэрэнэй гэрэл зурагай үзэсхэлэн хараха арга байха.
Эндэ хабаадагшад Ольга Любовниковагай студитай хамта уһан, шорой болон гэрэлэй хүсөөр зурагуудые зураха.
Энэ хэмжээ ябуулгын үедэ һонирхолтой нааданууд эмхидхэгдэжэ, элдэб зүйлнүүдһээ шэдитэ бүтээлнүүдые яажа хэхээр бэ гэжэ профессор Николя гэгшэһээ мэдэжэ абаха арга байха.
“Hamilton” гэһэн студитай хамта эндэ хабаадагшад “Флип-флоп”гэһэн зураг зураха аргатай. Флип-флоп портрет гээшэ холст дээрэ зуражашье шадахагүй һаа, гараараа бүтээгдэдэг онсо технологи юм.
Багашуулда “Ребятам о зверятах” гэжэ зоопарк һайшаагдаха байха. Эндэ үхибүүд тэдэниие барижа, эльбэхэ аргатай.
Хабаадагшад “Гарцующий пони” гэһэн тавернэдэ эдеэ хоол туршаха. “Хоббит”, “Властелин Колец” гэһэн номуудта дуратайшуул эрдэм мэдэсэеэ шалгажа, викторинадашье хабаадаха юм.
Айлшадые эдэ зохёолой геройнууд Гендальф, Арвен гэгшэд угтан абаха байна. Үдэшын түгэсхэлдэ хабаадагшадта бэлэгүүд барюулагдаха.
Үндэһэтэнэй номой санай сайтһаа гэрэл зураг абтаба.
