835
Апрелиин 27-до Москва хотодо “Сокровища Севера. Мастера и художники России 2017” гэһэн Уласхоорондын үзэсхэлэн-яармаг 12-дохиёо үнгэргэгдэхэ. Жэл бүри энэ хэмжээ ябуулгада Сибириин болон Алас Дурна зүгэй, Хойто зүгэй нютаг, можонуудай болон хари гүрэнүүдэй үндэһэн ажаябуулгын уран гартан хабаадаха юм.
“Арун” гэһэн Эвенкнүүдэй соёлой түб Буряад Уласаа түлөөлхэ юм. Аха, Хурамхаан болон Бабанта аймагуудай түлөөлэгшэд гар урлалай бүтээлнүүдые үзэсхэлэндэ дэлгээхэ гэжэ Буряад Уласай Соёлой яаманда мэдээсэнэ.
Эндэ Ородой Холбоото Уласай Сибириин болон Алас Дурна зүгэй, Хойто зүгэй үндэһэн арадуудай Бүхэроссиин Фестиваль эмхидхэгдэхэ. Фестивалиин үедэ семинар, дүхэриг шэрээнүүд, Хойто зүгэй арадуудай үндэһэн хубсаһанай дефиле үнгэргэгдэхэ. Загаһа үйлэдбэриин болон агнууриин бүтээлнүүдые дэлгээхэһээ гадна, үндэһэн арадуудай эдеэ хоол амталжа болохоор.
""Арун" гэһэн түбэй сайтһаа гэрэл зураг абтаба.
