1143
Майн 7-ной үдэшэ “Россия 1” телеканалай эмхидхэһэн “Танцуют все!” гэһэн хатарай мүрысөөнэй түгэсхэлэй шата Соведүүдэй талмай дээрэ хаража болохо.
Үдэшын 18.00 сагһаа Улаан-Үдэ хотын ажаһуугшадые эмхидхэгшэд хүлеэн абаха юм. Тэдэнэр “Байгал” театрай “Танцуют все!” гэһэн түсэлдэ харуулһан эгээл эрхим хатарнуудые дамжуулжа, энэ түсэл тухай хөөрэжэ үгэхэ. Суг хүдэлдэг нүхэдөө дэмжэжэ, дуу, хатарай “Байгал” театрай оркестр 18.30-һаа харагшадай шэхэ хужарлуулха юм. Үдэшын 19.00 сагһаа Соведүүдэй талмайда тодхогдоһон томо сэнхир экранаар “Танцуют все!” гэһэн түсэлэй түгэсхэлэй шата харахаар байха.
Дамжуулгын үедэ Жаргал Бадмаев, Сэсэг Аюшеева, Чингис Раднаев, Мэдэгма Доржиева, Алдар Дашиев, Оюна Баирова, Валико Гаспарян болон бусад хэмжээ ябуулга шэмэглэхэ юм.
Буряад Уласай Толгойлогшын уялга дүүргэгшэ Алексей Цыденов “Байгал” театр дэмжэжэ, өөрынгөө интернет хуудаһанда иигэжэ бэшэһэн байна:
- Майн 7-до томо сэнхир экран Соведүүдэй талмай дээр тодхожо, түгэсхэлэй шата харахабди! “Байгал” театр эгээл эрхим!!!”
“Танцуют все!” гэһэн федеральна түсэлдэ үнгэрһэн долоон хоногто “Байгал” театр эгээл ехэ балл абаһан байна гэжэ һануулнабди.
“Танцуют все!” түсэлэй сайтһаа гэрэл зураг абтаба.
