946
Буряад Уласай хүүгэдэй хатарай ансамбль Уласхоорондын “Слияние культур” гэһэн 19-дэхи фестиваль-конкурсдо Гран-при шанда хүртэбэ.
“Байкал – Идель” гэһэн хатарай һургуулиин эдир хатаршад 7 номинацида илажа, намар Санкт-Петербург хотодо үнгэргэгдэхэ түгэсхэлэй шатада хабаадаха юм. Казань хотодо “Экият” гэһэн хүүгэдэй түбтэ мүрысөөн үнгэргэгдөө. Уласхоорондын фестиваль-мүрысөөндэ хабаадахаяа “Байкал-Идель” хатарай һургуулиин 56 хабаадагшад ошоһон байна. Тэдэнэр арадай болон мүнөө үеын найман хатарнуудые харуулаа.
“Байкал — Идель” гэһэн хатарай һургуули 8 жэлэй саана байгуулагдаһан юм. Буряад ороной арадуудай «Эб найрамдалай байшан» эблэл” ниитын эмхиин байшанда хатарай һургуули ажалаа ябуулдаг. Тэндэ 3 наһатайһаа 20 наһа хүрэтэр 140 үхибүүд хабаададаг юм.
Буряад Уласай Соёлой яаманай сайтһаа гэрэл зураг абтаба.
