1213
Буряад Уласай Арадай Хуралай һунгамал Аркадий Цыбиков нэгэ миллион түхэриг мүнгэ “Байгал” театрта бэлэглэбэ.
“Танцуют все!” гэһэн түсэлдэ тэдэнэй эрхимээр хабаадаһанай удаа иимэ шиидхэбэри һунгамал абаһан байна. Улаан-Үдын Соведүүдэй талмай дээрэ энэ коллектив дэмжэлгын үдэшэдэ, Аркадий Цыбиков арад зоной халуунаар нютагаа үндэр хэмжээндэ түлөөлһэн зоной баяр хубаалдажа байхыень хараад, бахархаһан байна.
- Буряад арадайнгаа һүр һүлдыень “Байгал” театр дээрэ үргэбэ. Бүхы хүнүүд, бүхы арад өөртөө болон өөрынгөө ерээдүйдэ этигээ. Түб талмай дээрэ үнгэргэгдэһэн хэмжээ ябуулга олоной сэдьхэл доһолгоһон байха, - гэжэ Аркадий Цыбиков хэлэбэ.
Россия 1 телеканалай эмхидхэһэн “Танцуют все!” гэһэн хатарай түсэлдэ “Байгал” театр илажа, нэгэ миллион түхэриг шанда хүртэһэн юм гэжэ һануулнабди.
Буряад Уласай Соёлой яаманай сайтһаа гэрэл зураг абтаба.
