​​Бэлигтэй гэр бүлын баярай үдэшэ

Үсэгэлдэр майн 23-да Буряадай гүрэнэй академическа театрта Буряад Уласай габьяата зүжэгшэд Болот ба Жажан Дингонорбоевтанай зохёохы ажалай түрүүшын үдэшэ үнгэрбэ. Эдэ хоёр 2007 ондо Зүүн зүгэй соёлой дээдэ һургуулида Саян Эржэна Жамбаловтанай эмхидхэгдэһэн театральна студи дүүргэһэнэй удаа түрэл театртаа мүнөө болотор хүдэлһөөр. Тэдэнэрэй зохёохы ажал үндэрөөр сэгнэдэг харагшадые, түрэлхидөө, нүхэдөө Дингонорбоевтон уянгата дуунуудараа, шүлэгүүдээрээ, гэр бүлын зүжэгөөр баясуулһан байна. Тоглолтын түгэсхэлдэ Ага тойрогой болон Хэжэнгэ аймагай эблэлэй түлөөлэгшэд болон Соёлой яаманай сайд Тимур Цыбиков гэгшэд тайзан дээрэ гаража, баярай үгэнүүдые, баглаа сэсэгүүдые, бэлэгүүдые барюулба.

Дингонорбоевтоной үдэшэ тухай дэлгэрэнгыгээр «Буряа үнэн» сониной удаадахи дугаарта танилсаха аргатайт.

Гэрэл зураг театрай архивhаа абтаба.