​Хошон үгын урилдаан соносхогдоно

Урилдаан тухай юрэнхыдөө 

Хошон үгэ, шог хөөрөө зохёогшодой ба шог ёгто зураг зураашадай дунда “Хошон үгэ” гэһэн урилдаан соносхогдоно. “Хошон үгэ” гэһэн урилдаае “Буряад үнэн” Хэблэлэй байшан зохёон байгуулна. “Буряад үнэн” Хэблэлэй байшан сониндо ороһон хошон үгэнүүд, шог хөөрөөнүүд, шог ёгто зурагууд “Буряад үнэн” сониндо толилогдожо байха. 

Урилдаанай зорилго 

Буряадаар хошон үгэ, шог хөөрөө, үгүүлэл бэшэхэ, шог зураг зураха хүнүүдэй бэлиг шадабари дэмжэхэ, арад зоной дунда шог зугаа тарааха, “Буряад үнэн” сонин уншагшадтай холбоо харилсаатай байха, “Буряад үнэн” сонин уншасатай болгохо гэһэн зорилгонууд табигдана. 

Урилдаанай эрхэ нүхэсэл 

Хошон үгэ, шог хөөрөө, шог ёгто зурагуудые “Буряад үнэн” сонин хүлеэн абажа байха. Энэ урилдаанда уран зохёолшод, хүдөө бэшээшэд, “гуурһа туршаашад”, уран зураашад хабаадаха аргатай юм. Хошон үгэнүүд, шог хөөрөөнүүд «Буряад үнэн” сониндо толилогдохо, “Буряад үнэн” сониной албан ёһоной сайтда ниитэлэгдэхэ. 

Урилдаан гурбан номинацитай: 1) Хошон үгэ, ябаган зугаа; 2) Басни, шүлэглэмэл зохёол; 3) Шог ёгто зураг. 

Хошон үгэнүүдэй, шог хөөрөөнүүдэй, шог зурагуудай шэлдэгүүд гурбан номинацида шэлэгдэхэ. Номинаци бүхэндэ 1-дэхи, 2-дохи, 3-дахи һууринууд байха. Урилдаанай шүүгшэдэй бүридэл уран зохёолшодһоо, сэтгүүлэгшэдһээ бүридэхэ. Урилдаанай дүнгөөр, шэлдэг зохёогшодто, уран зураашадта шангууд барюулагдаха. 

Урилдаанай үнгэрхэ саг болзор 

Урилдаан 2017 оной 6 дугаар һарын 1-һээ эхилжэ, 12 дугаар һарын 1-дэ дүүрэхэ. 12 дугаар һарын 15 болотор урилдаанай дүн согсологдожо, “Буряад үнэн” сониндо толилогдохо. “Буряад үнэн” сониной байгуулагдаһан үдэртэ гэхэ гү, али 12 дугаар һарын 21-эй үдэртэ дашарамдуулһан баяр ёһололой үедэ урилдаанда шалгарагшадта шангууд барюулагдаха. 

Урилдаанай материалнуудта табигдаха эрилтэнүүд ба материал эльгээхэ хаяг 

Эльгээгдэһэн материалнууд шүүмжэлэгдэхэгүй, зохёогшодо, зураашада бусаагдахагүй. Урилдаанай материалнуудые “Буряад үнэн” сониной редакцида иимэ хаягаар эльгээхэ: 670000, Улаан-Үдэ хото, Каландаришвилиин гудамжа, 23, “Буряад үнэн” Хэблэлэй байшан. Сахим хаяг: unen@mail.ru. С.Ц. Ринчиновтэ 

Холбоо бариха утаһанай дугаарнууд: 8 (3012) 21-54-93; 21-67-81. 

Гар утаһанай дугаар: 8-983-333-55-09