1033
Буряад Уласай Гүрэнэй цирк Захаамин аймагай байгуулагдаһаар 90 жэлэйнь ойн баярта дашарамдуулан, июниин 11-һээ 17 болотор найр наадануудта хабаадажа, ажаһуугшадта һонирхолтой наадануудые харуулха юм.
Июниин 11-дэ Захаамин хотын “Металлург” гэһэн хотын стадион дээрэ үдэшын 18 сагта һайндэрэй циркын тоглолто табигдаха юм. Уласхоорондын Циркын Үдэртэ бэлдэгдэһэн “Circus.03” гэһэн шэнэ программаһаа клоунада, акробатика, эквилибр гэхэ мэтэ циркын жанрнуудай һонирхолтой номернүүд олондо харуулагдаха юм.
Июниин 12-һоо 17 болотор Буряадай циркын зүжэгшэд Захаамин аймагай хүдөө нютагуудаар гастрольдо гараха. Тиихэдээ Санага, Енгорбой, Хамни, Хуртага, Баянгол, Ехэ-Сахир, Михайловка, Үлэгшэн, Бүргэ нютагуудай ажаһуугшадые хужарлуулха юм.
Буряадай Уласай Гүрэнэй циркын сайтһаа гэрэл зураг абтаба.
