1361
Улаан-Үдын Соведүүдэй талмайда бүхы дэлхэйдэ мэдээжэ “ХорТурецкого” гэһэн арт-группа “Дуунай һайндэр” хүгжэмэй акци июлиин 12-то үдэшын 19 сагта үнгэргэхэ. Энэ акци Буряад Уласта Москва хотын үдэрнүүдэй хэмжэээндэ эмхидхэгдэнэ.
“Дуунай һайндэр” гэһэн түсэл Арадай караоке маягаар үнгэргэгдэдэг юм. Тоглолтын үедэ Буряад Уласай ажаһуугшад “Хор Турецкого” гэһэн бүлгэмэй дуушадтай хамта дуратай дуунуудаа дуулаха аргатай байха. “Сопрано 10” гэһэн эхэнэрнүүдэй хоор тоглолто шэмэглэхэ.
2015-2016 онуудта “Дуунай һайндэр” гэһэн хүгжэмэй акциин хэмжээндэ “Хор Турецкого” бүлгэм 20-ёод тоглолтонуудые үнгэргэжэ, миллионһоо дээшэ зониие хабаадуулаа. Ородой Холбоото Уласай Засагай газарай соёлой һалбариин шагналда энэ түсэл хүртэһэн байха юм.
“Хор Турецкого” бүлгэм 1990 ондо байгуулагдажа, тэрэ гэһэнһээ хойшо амжалтатайгаар ажалаа ябуулжа байдаг. Тэдэнэр Ородой Холбоото Уласай бүхы можо нютагуудаар, Европо, Америкын Холбоото Штадуудта болон Израиль гүрэнүүдээр гастрольдо ябаһан юм.
"Хор Турецкого" бүлгэмэй сайтһаа гэрэл зураг абтаба.
