​Эвенк залуушуулай фестиваль

Анна Огороднигой гэрэл зураг

«Байгалай аргиш» гэhэн эвенк залуушуулай табадахи фестиваль үнгэргэгдэхэнь.

Июлиин 5-7-ной үдэрнүүдтэ үнгэргэгдэхэ хэмжээ ябуулгада Бабанта, Хурамхаан, Хойто Байгалай магуудай, Улаан-Үдэ хотын, Үбэр Байгалай, Хабаровска хизаарнуудай, Саха (Яхад) Уласай түлөөлэгшэд хабаадаха байна.

Түрүүшын хоёр үдэр фестиваль Байгалай эрьедэ үнгэргэгдэхэ. Тиихэдээ урлаг шэнжэлдэг эрдэмэй, түүхын болон тамирай талаар хэмжээ ябуулганууд эмхидхэгдэхэ юм.

Эндэ «Буга – мини одёв» – «Байгаали – мини hахюуhан» квест-нааданда залуушуул хабаадаха, энээнhээ гадна хатаран, дуулан наадалгын (хороводой) мүрысөөнэй илагшые шэлэхэ болоно.

– Эвенк арадай аман зохёол хороводой дуугаар баян юм, харин залуушуул энээниие мартанхай шахуу. Тиимэhээ хабаадагшадта энэ мүрысөөн тиимэшье бэлэн байхагүй, – гэжэ хэмжээ ябуулга эмхидхэгшэд хэлэнэ.

Фестивалиин hүүлшын үдэр Үбэр Байгалай арадуудай этнографическа музейдэ үнгэргэгдэхэ. Эндэ «Эвенк зоной нюур шарайнууд» гэhэн гэрэл зурагуудай үзэсхэлэн нээгдэжэ, август hара болотор үргэлжэлхэ юм.