​Хөөрүү шаазгайн шаханаан

- Та ехээр hанаагаа бү зобогты, – гэжэ лифт соо түрэhэн залуу эхэнэрые доктор hамааруулна. - Би дуулаа hэм, нэгэ эхэнэр метро соохи эскалатор дээрэ түрөө юм ха. 

– Тэрэтнай баhал биилдеэ... 

***

– Зай, дахин намтай заргалдаха гүш?

– Тиигэхэ.

– Юугээр торгохобши?

– Хоёр хирпиисэ бии... 

***

Хоёр нүхэд уулзаад, нэгэниинь хэлэнэ:

– Сээжээр шатар наадахамнай гү?

– Наадаял. 

Хүбүүн: Е2-Е4. 

– Морёор: Н6 ябанаб. 

– Морин: Д6-Е3. 

– Яанабши. Морин иигээд ябадаггүйл. 

– Зай, бэрхэ болоо байнаш. Тиигээ хадаа өөрөө гансаараа наада даа.

*** 

Хоёр эрэшүүл ресторанhаа гарабад: 

– Зай, hамгадаар зайхамнай гү? 

– Yгы, минии hамган залуухан, сэбэрхэн. 

– Оо! Тиигээ hаа, танайда ошоё!

***

Таксист нэгэ хүниие гэртэнь асараад, хэлэбэ:

– Хүлисэ, счётчигоо хүдэлгэхэеэ огто мартаалби. 

– Иимэрхүү юумэн болодог даа, бишни мүнгэнэйнгөө сүүмхэ ажалдаа мартажархёолби, хүлисыш. 

***

– Зай, эльбэ хүүлэхэдэш туhа болоо гү?

– Туhалааш гэжэ даа. Муухайхан юумэ болоо даа. Yбгэмни тэхэрижэ ерэшоо.

– Теэд юундэ муухай юм бэ, hайн бэшэ юм гү?

– Мүнөөнэймни үбгэн бэшэ, харин түрүүшын, наhа дүүрэhэн үбгэмни. 

***

Нэгэ эрэ хүн баанида орохоёо ерэбэ ха. Бэеэ угаагаад, аршаха гэхэдээ аршуулаа мартажархиhан байба. Гэнтэ эрьелдээд харан гэhээнь, соносхол ханада үлгөөтэй байба: «Сонхын хүшэгөөр бэеэ бү аршыт, гуйнабди!» Эрэ хүн:

– Одоол гоё юумэ hануулба даа! 

*** 

Би муу hанаатай хүн бэшэлдеэ, хэрбээ муу юумэ хээ hаа, оройдоошье мартадаггүйб. 

*** 

Алтан нүхэрые худалдажа абахагүйш, харин тэрэниие өөрыень худалдажархихада болохо байна. 

*** 

Хэрбээ би хулуугаагүйб гээ хадаа – хулуугаагүйб, харин hөөргэнь юунэйшье болоо hаань, үгэхэгүйб. 

***

Манай байгаагүй газарта hайн гэлсэдэг, гансал муу юумэнь – бидэ тэндэ ходол үгы байнабди. 

***

– Инагни! Харыш, ямар гоё бэhэлиг бэ! Ямар зохидхон юм! Худалдажа абыш даа! Абыш даа! Абыш даа гэнэм! 

– Зай, яахаб теэд. Тээ тэрэ творогтой түхэреэниие, тиигээд дээрэhээнь нэгэ «Балтика» пивэ үгэхэ болообта. 

*** 

– Энээхэн хоёр коробкотой конфетэ хэдытэб?

– Хоюулайнь абаа hаатнай, 75 солхообоор үгэхэб. 

– Хэрбэеэ тэрэ зүүн талынь коробко абаа hаа, хэдытэб? 

– Тиигээ hаа, 50 солхооб. 

– Зай, тиигээбэл баруун талынь коробкотой конфетэ үгыт. 

*** 

Зай, хүндэтэ Гарма Эрдынеевич, одоол мүнөөдэр бyхы түрэл гаралтаяа уулзаха болобот. Бултандань ехэ мэндые хүргөөрэйгты.

– Доктор, битнай үншэн хэнзэ хүнби, бүхы дүтымни зон наhа барашанхай. 

– Теэд хэлэнэ гүби даа, тэндэ ошоходоо, бултандань мэндые хүргыт гэжэ. 

***

Нэгэ хүн hайн үүлтэрэй нохойгоо гэдэhээ үлдэхэдөө хусадаг болгожо hургажа эхилбэ. Тиигээд хүршэдөө гомдолтойгоор хөөрэнэ:

– Зуу дахин энэ нохойдоо харуулааб. Хайшан гээ һаа дээрэ гээшэб?

– Теэд гэдэhээ үлдэхэдөө хусадаг болоо гү? 

– Yгы. Мүнөө минии өөрөө хүсаагүйдэ, эдеэлхэеэ болишоо.

* * * 

Басагандаа хэн гэжэ нэрэ үгөөбта? 

– Аврора.

– Аа, үглөөнэй туяагай бурханай нэрэл. 

– Булта зон тиигэлдэнэ, харин үбгэн баабайнь: крейсер, крейсер гээд hалаха юм бэшэ. 

* * * 

Хоёр еврейнүүд боосолдобо: гуйраншанда хэн эгээ жаа мүнгэ үгэхэб. Нэгэниинь нэгэ мүнгэ гуйраншанай урда табяад, ехэл омогоор нүгөөдэеэ шэртэбэ. Харин нүгөөдэ еврей: «Энэ мүнгэн бидэ хоёрой», – гээд, мэхэтэйгээр миhэд гэбэ ха.

* * * 

Врач нэгэ тарган хүндэ хэлэнэ:

– Абагты энэ таблеткэнүүдые. Эдэтнай таргалуулхагүй гэhэн. Энэ баанха соо 300 таблеткэ. Эдээниие эдижэ болохогүй.

– Теэд эдэтнай хайшан гээд намда туhалха юм? 

– Yдэрэй 2-3 дахин эдэ таблеткэнүүдээ шала дээрэ адхаад, hөөргэнь баанха соогоо нэгэ нэгээр суглуулагты. 

* * *

– Энэ эхэнэрhээ hалаагүйдэм аргагүй. Унтадаг таhалга соогоо ямаа байлгана. Yнэр танарынь гэжэ аргагүй. Тэсэбэримни hалаа. 

– Гайтай байна. Сонхоёо тайлаад, үнэрынь гаргаха аргагүй юм гү? – гэжэ судья асууба. 

– Юу хэлээ гээшэбта, тиигээ hаа минии гулабхаанууд булта ниидэжэ гарашахал. 

* * * 

СССР-эй Верховно Соведэй съезд боложо байна. Трибунын саана М.С. Горбачевой үгэ хэлэхэеэ гараад байтарнь, нэгэ эрэ хүн нюдаргаараа занаба. Тиихэдэнь Михаил Сергеевич hаншагайнгаа тэндэ хургаяа эрьелдүүлнэ, «үбэштэй гүш» гэhэндэл. Тиигэлдэжэ байтарнь, тэрэ эрэ хүндэ харуулшан ерээд hурана:

– Ши хэндэ нюдаргаараа зананаш? 

– Би зананагүйб, бүхы засаг гартаа абыш гэхэдэм, ухаамни хүрэхэгүй гэжэ харюусанал. 

***

– Алло, энэ зоопарк гү?

– Зоопарк даа.

– Танай телефоной номер абарагшад үгөө.

– Зай, юун болооб?

– Гэртэмнай могой орошоо. 

– Та амитадые хамгаалха бүлгэмэй гэшүүн гүт? 

– Yгы. 

– «Ногоонуудай» партида ородог гүт? 

– Yгы.

– Тиигээ hаа, хүрзөөр тархииень таhа татаад, хаягты саашань.

* * * 

– Хэниинь hанаа амар, баяртай байна гэжэ hананат: зургаан хүүгэдтэй хүниинь гү, али зургаан миллион доллартайнь гү?

– Зургаан хүүгэдтэйнь ааб даа.

– Юундэ?

– Баяниинь үшөө баяжаха гэжэ оролдохол. 

* * *

– Би одоол машина жолоодохо эрхэтэй болобоб. Эхэнэр хүндэ ямархан машина абаа hаа, дээрэ гээшэб? 

– Хубсаhа угаадаг машина hаа, дээрэл байгаа. 

* * *

– Шэтэ хото ошодог поезд ябаа гү? 

– Мүнөө hая ябаа. 

– Хайшаа ябааб?

* * * 

– Та үндэгэнүдые хулуухадаа, үшөө тахяаень сугтань абаа гүт?

–Тиигээ даа. Хайшан гэхэбши, эхыень үхибүүдhээнь hалгаахань зэбүүрхэмэ байгаал даа. 

* * * 

Нэгэ далайн уhан сэрэгэй онгосо тамаржа ябана. Мостик дээрэ «баклан» байнхай, дурамдана. Тээ нэгэ бага болоод:

– Капитан, баруун талаhаа зургаан hэлюуртэй онгосо харагдана. Тээ нэгэ бага болоод: 

– Капитан, зүүн гар тээмнай баhа зургаан hэлюуртэй онгосо бии болошобо.

Капитаниинь: 

– «Баклан», дурамайнгаа урдахи шэлһээ «бөөhэ» абажа хаял даа!