1381
Анна Огороднигой гэрэл зураг.
Августын 12-һоо сентябриин 30 болотор Үбэр Байгалай арадуудай Этнографическа музейдэ эхэнэрнүүдэй буряад дэгэлэй “Традиции вне времени” гэһэн үзэсхэлэн дэлгэгдэхэ юм.
Буряад Уласай Соёлой яаман сайтһаа гэрэл зураг абтаба.
Буряад Уласай ажаһуугшад сонгол, сартуул, хонгоодор,эхирид, булагад, хори буряадуудай эхэнэрнүүдэй һайндэрэй дэгэлнүүдые хараха аргатай.
Ямаршье арадуудай үндэһэтэнэй хубсаһан байгаалиин, нютагай, hуудал байдалай, соёлой онсо шэнжэнүүдтэй нягта холбоотой. Тиихэдэ нэгэ үндэhэ яhатан хоорондоо уг угаараа, нютаг нютагаараа баһал илгаатай байдаг гээшэ. Буряад арадай үндэһэтэнэй хубсаһан баһал илгардаг. Эхэнэрнүүдэй буряад дэгэл арадайнгаа ажабадалда тааруу байгаа. Тэрэниие хараад, хэды наһатайб, хадамтай гү, баян айлай гү, али үгытэй гү гэжэ хэлэхээр байһан юм.
Буряад хубсаһа оёдог, зүүдхэл бүтээдэг эрхим уран гартан сугларжа, энэ үзэсхэлэн бэлдэһэн байна.
