817
2017 оной сентябриин 6-10-най үдэрнүүдтэ Москва хотодо Ородой Холбоото Уласай арадуудай үндэһэн уран зохёолой фестиваль түрүүшынхиеэ үнгэргэгдэхэ. Фетивальда Х.Намсараевай нэрэмжэтэ Буряад драмын театр болон Галина Базаржапова уласаа түлөөлхэ юм.
Энэ хэмжээ ябуулга Москвагай номуудай XXX –дахи уласхоорондын үзэсхэлэн яармагай талмайда үнгэргэгдэхэ. Башкортостанай Мустай Каримай нэрэмжэтэ Залуушуулай үндэһэтэнэй театр, Хальмаг гүрэнэй филармониин театр болон Х.Намсараевай нэрэмжэтэ Буряад драмын театр үдэр бүри найруулгануудые харуулха.
Хоца Намсараевай нэрэмжэтэ буряад драмын театр сентябриин 8-да 12:00 сагһаа Саян Жамбаловай «Нүүдэлшын мүшэн» гэһэн найруулга ниислэл хотын харагшадта дурадхаха. Тэрэнэй үедэ «Алтан Галуун ноён хүбүүн» гэжэ буряад үльгэрһөө хэһэгүүд Дондог Улзытуев, Цырен-Дулма Дондокова, Цырен-Дулма Дондогой, Даша Дамбаев болон Баяр Дугаровай шүлэгүүдые морин хуурай шэдитэ аялга доро Буряад театрай зүжэшгэд уншаха.
Эдэ үдэрнүүдтэ Ородой Холбоото Уласай уран зохёолшодтой уулзалганууд эмхидхэгдэхэ юм. Буряад арадай ирагуу найрагша, Ородой Холбоото Уласай соёлой габьяата хүдэлмэрилэгшэ Галина Базаржапова сентябриин 9-дэ үдэшын 18:00 сагһаа үндэһэн зохёолой фестивальда уласаа түлөөлхэ юм.
Ородой Холбоото Уласта ород хэлэнһээ гадуур зуугаад үндэһэтэнэй бэшэгэй хэлэнүүд бии юм. Тэдэнэй 59-ниинь литературна хэлэнүүд юм. Фестивалиин зорилго хадаа үндэһэн арадуудай уран зохёолтой, хэлэнүүдтэй танилсуулга болоно.
