900
Анна Огороднигой гэрэл зураг.
Улаан-Үдын Орешковын нэрэмжэтэ паркда сентябриин10-да Буряад Уласай арадуудай заншалта наадануудай фестивальэмхидхэгдэхэ.
Хэмжээ ябуулга эмхидхэгшэд ажаһуугшадые модо таталга, һур харбалга, тэбэг, шагай, шатар наадануудта хабаадахыень урина. Фестивальда хабаадагшад буряад арадай эдеэ хоолһоо ама хүрэхэ, мастер-классуудта болон интерактивна талмайнуудта хабаадаха аргатай байха.
Анна Огороднигой гэрэл зураг.
Буряад Уласта ажаһуудаг арадуудай ёһо заншал, соёл һэргээхэ, хүгжөөхэ зорилготой фестиваль эмхидхэгдэнэ. Тиихэдэ Буряадта ажаһуудаг арадуудай уран бүтээлэй түбүүдэй, зохёохы болон үндэһэн тамирай бүлэгүүдэй, олониитын эмхи зургаанудай хоорондо соёлой харилсаа бэхижүүлхэ шухала гэжэ хэмжээ ябуулга эмхидхэгшэд тэмдэглэнэ.
Үндэһэтэнэй эдеэ хоол, хубсаһан, гар урлалай уран бүтээлнүүдтэй хамта үндэһэтэнэй нааданууд арадай ёһо заншал, байдалтай таһалгаряагүй холбоотой. Тиимэһээ тэдэниие һэргээхэ, хүгжөөхэ шухала.
Наадануудта хабаадаха дуратайшуул ондо ондоо яһатанай бүхэ барилдаанай мастер-классуудта, эстафетануудта хабаадаха, ород, татар арадуудай наадан – бахана өөдэ абирха, һур харбаха, «Метание маута» эвенк арадуудай наадануудта хабаадаха аргатай.
Анна Огоднигой гэрэл зураг.
Бүридхэлдэ абтаһан команданууд мүнгэн шанда хүртэхэ. Түрүүшын һуурида -15 мянган түхэриг, 2-дохи һуурида – 10 мянган түхэриг, 3-дахи һуурида -7 мянган түхэригэй шан баарюулагдаха. Тиихэдэ хубиин мүрысөөнүүдтэ илагшад баһал шанда хүртэхэ юм.
Буряад Уласай Толгойлогшын болон Засагай газарай захиргаан, Спортын болон залууушуулай бодолгын талаар яаман, «Буряад Үнэн» хэблэлэй байшан, Улаан-Үдэ хотын захиргаан, «Буряад Уласай арадуудай заншалта наадануудай федераци», «Азия Спорт», «Буряад ороной арадуудай «Эб найрамдалай байшан» эблэл» гэһэн ниитын эмхинүүд энэ хэмжээ ябуулга эмхидхэн байгуулна.
Гол мүрысөөнүүдэй эхилхэһээ урид хабаадагшад үглөөнэй 10 сагһаа 12 болотор туршалгын наадануудта хабаадаха. Хэмжээ ябуулгын нээлгын баяр ёһолол үдэрэй 12 сагта үнгэргэгдэхэ. Удаань гурбан саг болотор мүрысөөнүүд эхилхэ юм. Энээнтэй хамта 12 хахадһаа дүрбэ болотор гар урлалай мастер-классууд үнгэргэгдэхэ. Үдэрэй 13 сагһаа гурба болотор үндэһэтэнэй заншалта эдеэ хоол үзэсхэлэн-дэлгүүртэ амталжа болохо. Үдэшын 17 сагһаа 18 саг болотор фестиваль хаалгын баяр ёһолол үнгэргэгдэжэ, наадануудта илагшад шагнагдаха. Фестиваль энээгээр дүүрэхэгүй, хэмжээ ябуулга хабаадагшадта зугаагай программа дурадхагдаха.
