1093
Буряад Уласта «Индиклассика» фестивалиин хэмжээндэ сентябриин 22-то «На пересечении культур» гэһэн хуралдаан эмхидхэгдэхэ.
Буряад Уласай Соёлой яаманай сайтһаа гэрэл зураг абтаба.
Байгша оной сентябриин 22-то үглөөнэй 10 сагһаа Зүүн Сибириин гүрэнэй соёлой дээдэ һургуулида энэ хэмжээ ябуулга үнгэргэгдэхэ юм. Хуралдаанда хүгжэм шудалагшад, хүгжэмшэд, хүгжэм найруулагшад болон хүгжэм заадаг багшанар хабаадаха болоно. Хүгжэм шэнжэлэгшэ, арт-менеджер, Польшоһоо гарбалтай Станислав Сухора; хүгжэм найруулагша, саунд-дизайнер Германиин түлөөлэгшэ Мартин Даске; мүнөө үеын хүгжэмэй Москвагай ансамблиин захирал, хүгжэм шудалагша Виктория Коршунова, хүгжэм найруулагшад Виктор Усович, Лариса Санжиева, хүгжэм шудалагша Юлия Соболева гэгшэд хуралдаанда «Трёхмерная партитура. Опыт концертного абонемента «Неслыханная музыка», «Стратегии композиции электро-акустической музыки Збигнева Карковского», «Жанровая коммуникация и современная музыка», «Современная музыка и контексты » шэглэлнүүдээр элидхэл бэлдэхэ юм.
