989
"Александр Невский" гэһэн Бүхэроссиин түүхын–уран зохёолой шангай комиссиин шиидхэбэреэр Буряад Уласай Хяагтын музейн хүдэлмэрилэгшэд «Первопроходцы» гэһэн тусхай шанда хүртэбэ.
Хяагтын музейн хүдэлмэрилэгшэд «Легенды Сибирского Эрмитажа» гэһэн түсэл бэлдэһэн байна. Энэ түсэл мэдээжэ эрдэмтэд, аяншалагшад Н.М. Пржевальский, А.В. и Г.Н. Потанинууд, В. А. Обручев, Г.Ц. Цыбиков, П.К. Козлов, А.П. Окладников болон бусад хизаар ороноо шэнжэлэгшэдтэ зорюулагдаһан юм. Эдэ эрдэмтэд Эхэ орондоо үнэн сэхээр хандажа, гүрэн түрэеэ, Хяагта хото холо ойгуур суурхуулһан алдартай юм. XVIII-XIX зуун жэлнүүдтэ Хяагтада ганса Ород, Хитад гүрэнүүдэй хоорондо худалдаа наймаан эмхидхэгдэдэг бэшэ, харин Түб Азиин газар зүйн һалбарида удха шанартай байһан юм.
Заншалта ёһоороо Санкт-Петербург хотын Талион Империал Отельдэ уран зохёолшод болон музейн түсэлнүүдые бэлдэгшэдые шагнаба. Энэ хэмжээ ябуулгада шангай лауреадууд: уран зохёолшо Захар Прилепин, Ородой Холбоото Уласай зүжэгшэн Михаил Ножкин, Ородой Холбоото Уласай мүнөө үеын түүхын Гүрэнэй түбэй музейн захирал Ирина Великанова гэгшэд хабаадаба., Москвагай, Томск можонууд, Карели, Алтай уласууд, Москва Рязань, Ульяновск болон Архангельск хотонуудай түлөөлэгшэд баяр ёһололдо хабаадахаяа ерэһэн байна. Тэдэнэй тоодо Буряад Уласай Хяагтын музейн захиралай уялга дүүргэгшэ Лилия Цыденова байлсаба.
– Хяагтын хизаар ороноо шэнжэлэлгын музейн хүдэлмэрилэгшэдэй хэһэн ажал үндэрөөр сэгнэгдэбэ. Ургажа ябаа улаан бургааһадые Эхэ орондоо дуратайгаар хүмүүжүүлхэ талаар ажалаа үргэлжэлүүлхэбди, - гэжэ тэрэ тэмдэглэбэ.
Ородой Холбоото Уласай эрдэмэй акдемиин академик Николай Скатов, А.С. Пушкинай нэрэмжэтэ Гүрэнэй музейн захирал Евгений Богатырёв, А.С. Пушкинай нэрэмжэтэ Бүхэроссиин музейн захирал Сергей Некрасов, Номуудай уласхоорондын үзэсхэлэн болон яармагуудай Генеральна дирекциин хүтэлбэрилэгшэ Сергей Кайкин болон бусад лауредуудые шагнаха баяр ёһололдо хабаадалсаба.
"Александр Невский" гэһэн Бүхэроссиин түүхын –уран зохёолой шан 2017 ондо арбан гурбадахияа барюулагдаба. Ородой Холбоото Уласай соёл, болбосоролдо удха шанартай түсэл түүхын хуудаһанда онсо һуури эзэлэнхэй юм.
Хяагтын хизаар ороной шэнжэлэлгын Музей Улаан-Үдын филиалһаа гэрэл зураг абтаба.
