1038
Алас Дурна зүгэй болон Сибириин федеральна тойрогуудта хэмжээ ябуулгануудай аяншалгын һалбарида Russian Event Awards гэһэн Үндэһэн шангай можо нютагуудай мүрысөөнэй түгэсхэлэй шата Эрхүү хотодо октябриин 6-7-ной үдэрнүүдтэ үнгэргэгдэхэ юм.
Ородой Холбоото Уласай 17 можо нютагуудай 111 түсэлнүүд энэ хэмжээ ябуулгын түгэсхэлэй шатада шэлэн абтаһан байна.
Буряад Уласһаа энэ мүрысөөндэ 15 түсэлнүүд дурадхагдажа, «Караван дружбы» гэһэн үндэһэн соёлой уласай 3-дахи фестиваль болон «Нүүдэлшэдэй ая дуун» гэһэн хүгжэмэй уласхоорондын 9-дэхи фестиваль түгэсхэлэй шатада оробо.
Байгша оной октябриин 28-29-нэй үдэрнүүдтэ Липецк хотодо үнгэргэгдэхэ Russian Event Awards гэһэн Үндэһэн шангай бүхы үндэһэтэнэй түгэсхэлэй шатада можо нютагуудай хэмжээндэ түрүүлһэн түсэлнүүд хабаадаха юм. Мүрысөөнэй дүнгүүдээр эгээл эрхим түсэлдэ «Национальное событие» гэһэн нэрэ зэргэ олгогдохо.
Анна Огороднигой гэрэл зураг.
