1161
Буряадай мэдээжэ уран гартан Даша Намдаков М. Н. Хангаловай нэрэмжэтэТүүхын музейдэ «Байкал. Преображение» гэһэн үзэсхэлэн октябриин 25-һаа дэлгэбэ.
Энэ үзэсхэлэндэ Даша Намдаковай жаранһаа дээшэ бүтээлнүүд: бэһэлигүүд, бугаагууд, зүүдхэлнүүд гэхэ мэтэ олондо харуулагдана.
– Урда сагай соёл урлагай уран һайханай зурагламал гоё маяг Даша Намдаковай бүтээлнүүд үндэһэлнэ. Мүнөө үеын технологёор хэгдэһэн эрдэниин зүйлэй бүтээлнүүд түрэл оронойнгоо байгаали, ёһо заншал харуулна. Илангаяа Буряадай Үндэһэтэнэй музейн коллекциин бүтээлнүүдтэ элеэр ойлголдоно, – гэжэ музейн хүдэлмэрилэгшэд хэлэнэ.
Уран һайханай бүтээлнүүдэй мүндэлһэн түүхэтэй үзэсхэлэн харагшад танилсаха. Байгаалиин гоё һайханиие харуулһан бүтээлнүүдтэ Байгалай хизаарта манай ээрын урда тээхи сая жэлнүүдэй туршада ургамалай болон амитадай оршон, хунну арадай соёл тухай үзэсхэлжэндэ харахаар.
– Даша Намдаковай юун тухай харуулха, хөөрэхэ зорилготой байһаниинь эли тодо, ойлогосотой. Өөрынгөө нюдөөр саг жэлнүүдэй холбоо хаража бахархааб, - гэжэ үзэсхэлэн харагша һанамжаараа хубаалдаба.
Анна Огороднигой гэрэл зурагууд.
