744
Ноябриин 9, 10, 13-най үдэрнүүдтэ Улаан-Үдын ZAM гэһэн лекторидо үдэрэй 14 сагта Оюутадай уласхоорондын 37-дохи фестивалиин хэмжээндэ Ородой Холбоото Уласай һаял дүршэжэ эхилһэн кина буулгагшадай ажалнууд харуулагдаха.
С.А. Герасимовай нэрэмжэтэ гүрэнэй институт, «ВГИК-Дебют» гэһэн продюссерскэ түб болон Буряад Уласай Соёлой яаман болон Үндэһэтэнэй номой сангай мэдээсэлэй талаар дэмжэлгээр энэ фестиваль эмхидхэгдэнэ.
Буряад Уласай Соёлой яаманай сайтһаа гэрэл зураг абтаба.
Уласхоороондын ВГИК фестиваль 1961 онһоо хойшо эмхидхэгдэжэ, оюутадай эгээл ехэ хэмжээ ябуулгануудай нэгэн юм. Залуу, һаял дүршэжэ байһан кино буулгагшад ажалнуудаа олондо харуулха, зохёохы ажалдаа сэгнэлтэ абаха аргатай. Тиихэдэ мэргэжэнги кино буулгалгада түрүүшын алхамуудаа тэдэнэр хэнэ. Энэ фестивальда Андрей Тарковский, Василий Шукшин, Никита Михалков, Вадим Абдрашитов, Сергей Соловьев болон бусад кино буулгагшад илажа, лауреадуудай нэрэ зэргэдэ хүртэһэн байха юм.
Ород болон хари гүрэнүүдэй киноһургуулинуудай оюутад курсовой, диплом хамгаалгын кино болон театрай ажалнуудые үргэн олон харагшадта харуулха аргатай болоно.
