1060
Буряадай оперо болон баледэй театрай оркестрэй хүгжэмшэд: Дарья Станишевская (скрипкэ), Сергей Струков (гобой), Арюна Халзанова (кларнет) Великобритани гастрольдо гараба.
Ородой Холбоото Уласай габьяата артист Анатолий Чепурной Буряадай хүгжэмжэдтэ Красноярскын оперо болон баледэй театрай оркестртэй хамта гастрольдо гархыень дурадхаһан байна. Анатолий Чепурной Улаан-Үдэ оло дахин ерэһэн, хүгжэмшэдые һайн мэдэхэ юм.
Үглөөдэр, декабриин 19-дэ, Кардиффта, St. David’s Hall гэһэн тоглолтын танхимда тэдэнэй түрүүшын тоглолто үнгэргэгдэхэ. Тэдэнэр «Золушка» гэһэн балет харуулха юм. Эгээл эндэ BBC телеканалай эмхидхэһэн Singer of the World гэһэн конкурс эмхидхэгдээ. Тиихэдэ Буряадай оперо болон баледэй театрай дуушан Ариунбаатар Ганбаатар «Романс» гэһэн номинацида илалта туйлаа гэжэ һануулнабди.
2018 оной апрель һара болотор Великобританиин 20-һоо дээшэ хотонуудта Буряадай хүгжэмшэд Красноярскын оперо болон баледэй театртай оркестртэй хамта гастрольдо ябаха юм. Тэдэнэр Великобританиин ажаһуугшадта Пётр Чайковский болон Сергей Прокофьевой баледүүдые табиха.
