997
«Ородой Холбоото Уласай арадай уран бүтээлэй эрхим түб – 2017» гэһэн Бүхэроссиин мүрысөөнэй можо хоорондын шатада Буряадай арадай уран бүтээлэй түб амжалтатай хабаадаба. Тэдэнэр «Соёлой-сэнгүүлгын һалбарида шэнэ түсэлнүүдые нэбтэрүүлгэ» гэһэн номинацида нэгэдэхи һуури эзэлжэ, дипломоор шагнагдаба.
В. Д. Поленовэй нэрэмжэтэ Ородой Холбоото Уласай уран бүтээлэй түб болон Ородой Холбоото Уласай федеральна тойрогуудай арадай уран бүтээлэй түбүүдэй нэгэдэл энэ мүрысөө эмхидхэһэн байна.
Сибириин федеральнатойрогто илаһан Буряад Уласай уран бүтээлэй түб Бүхэросссиин мүрысөөнэй хоёрдохи шатада хабаадаха эрхэдэ хүртөө. Мүрысөөнэй хоёрдохи шата 2017 оной декабриин 1-һээ 2018 оной январиин 31 болотор үнгэргэгдэхэ юм.
Елена Капустинагай гэрэл зураг.
