​Тайзан дээрэ – соёлой хүдэлмэрилэгшэд

Түнхэнэй түлөөлэгшэдэй һонирхолтой наадан

Соёлой ажалшад мэргэжэлтэ һайндэрөө тэмдэглэхэ­еэ байгаад, “Творцы души” гэһэн уласай мүрысөөндэ хабаадаба. 7-дохиёо үнгэргэгдэһэн энэ мүрысөөндэ 14 хүн бэлиг шадабарияа харуулаа.

Мүнөөдэрэй соёлой хүдэлмэрилэгшэ ямар дүй дүршэлтэйб? Хүн зоной сэдь­хэл ханааха, зугаасуулха ямар аргануудые хэрэглэнэб? Эдэ бүгэдэ асуудалнуудта харю­усаха зорилготойгоор тус мүрысөөн эмхидхэгдэнэ гээд хэлэхэ шухала.

Хэмжээ ябуулгын эхилхэһээ урид Буряад Ула­сай Соёлой яаман үнгэрһэн жэлэйнгээ дүнгүүдые согсолжо, байгша оной түсэбүүдые хараалаа. Тиин хүдөө нютагуудай со­ёлой хүдэлмэрилэгшэдые нэн түрүүн дэмжэхэ хэрэгтэй гэжэ хэлсэг­дээ. Хүдөөгэймнай со­ёлой түлөөлэгшэд хотын хүдэлмэрилэгшэдһөө доро бэшээр хүдэлдэг байһанаа харуулаа.

Мүрысөөнэй түгэсхэлэй шатада ороһон зургаан ха­баадагшад таба-табан дааба­ри дүүргэһэн байна. Тусхай шангуудта Түнхэн аймагай Аюна Таряшинова болон Зэдэ аймагай Соёлма От­цорова гэгшэд хүртөө. Эндэ Аюна Таряшиновае тэмдэ­глэмээр. Тэрэ ТОС байгуул­жа, Хэрэн тосхоной Хэрэн голой зүүн эрьедэ хүн зони­ие суглуулжа, найр наадану­удые эмхидхэнэ. Юуб гэхэдэ, Хэрэндэ соёлой байшан үгы юм.

Улаан-Үдэ хотын За­байкальский тосхондо ажаһуугшад дуратайгаар соёлойнгоо байшанда яба­даг байна. Юлия Петрова һайндэрнүүдэй бүхы программа шадамар бэрхээр зохёожо, хүн зоной анхарал татана. Иимэ ажал ябуулжа байһанайнгаа түлөө тэрэ гурбадахи шатын дипломо­ор шагнагдаа.

Хурамхаан аймагта ара­дай театрнууд һайнаар хүгжэнги. Тэдэ хирэ-хирэ болоод лэ, хүн зоноо шэнэ зүжэгөөр баярлуул­жа байдаг. Хажуугаарнь нютаг һууринуудтаа бүхы һайндэрнүүдые үнгэргэнэ бшуу. Тиимэһээ Хурамхаа­най соёлой байшанай уран һайханай хүтэлбэрилэгшэ Марина Будаева арадай те­атрнуудтай нягта харилсаа холбоотойгоор хүдэлхэ гэжэ оролдоно. Суг хамтын ажал үндэр хэмжээндэ ябуулагда­на. Тус мүрысөөндэ Марина Будаева хоёрдохи шатын ди­пломдо хүртөө.

Загарай аймагай Онохой тосхондо 15 мянга гаран хүн ажаһуудаг. Энэ нютагай соё­лой байшанда оройдоол зур­гаан хүн хүдэлбэшье, соёлой талаар ажал урагшатайгаар ябуулагдажа байдаг. Тэндэ хүдэлдэг Андрей Шкурко соёлойнгоо байшанай дэргэдэ ТОС байгуулһан байна. Залуу гэр бүлэнүүд эндэ оролсожо, ажабайдалаа һайжаруулна. Хэжэ байһан ажалаа харуул­жа шадаһан Андрей Шкурко нэгэдэхи шатын диплом аба­ба.

Эрхим зүжэгшэн Татьяна Очирова

Сэлэнгэ аймагай Гуси­ноозёрск һууринай Татья­на Очирова үрэ дүнтэйгөөр хүдэлжэ байдаг. Хүн зон хүгшэн залуугүй соёлойнгоо байшанда ерэжэ, олон то­ото хэмжээ ябуулгануудта дуратайгаар хабаадана. Гусиноозёрск хотын эхэ боло­хо эхэнэрнүүдые суглуулжа, хэдэн хэмжээ ябуулгануу­дые үнгэргөө. Тиин Татьяна Очирова мүрысөөнэй бүхы шатануудта шалгаржа, Гран-при шан абахаараал абаа юм. 

Борис Балдановай гэрэл зурагууд