​«Адуушанай дуун» киногой зүжэгшэдтэй уулзалга

Түмэн Жаргалов (Владимир Манкетов)

Апрелиин 13-ай 16 сагта Ородой Пенсионно фондын Буряадай таhагта (Коммунистическая, 45а, “Бурятия” зошод буудалай арада) «Адуушанай дуун» кинодо (1956 он) буулгагдаhан хүнүүдтэй, буулгагшадай түрэл удамуудтай уулзалга эмхидхэгдэхэ.

Уулзалгада почтальон Доржо боложо наадагша Саша (мүнөө Александр Чимитович) Дамбиев, Сэсэгые наадагша Дилорам Джурабаевагай дублер Геля Афанасьева (мүнөө Ангелина Ивановна Алганаева), Ивалгада болоhон колхозой найр буулгахада хабаадалсаhан Ким Зодоев (мүнөө амаралтада байдаг сагдаагай полковник), Чойжинима Гениновэй басаган Людмила Чойжинимаевна болон бусад хабаадаха юм.

Тус киноhоо хэhэгүүд харуулагдаха.

Буряадай алдарта кинонуудай нэгэн болохо «Адуушанай дуунай» СССР ороной экрануудта гараhаар 61 жэл үнгэрөө. Тиихэдэ Буряадай уралиг болон удха зохёолой 2 дугаар декадада тус фильмын харуулагдаhаар 2019 ондо 60 жэлэйнь ой гүйсэхэнь.

Эмхидхэгшэдэй зүгhөө халуун сэдьхэлэй ульhатайгаар та уншагшадаа уринаб!

Николай БАДМАРИНЧИНОВ, сэтгүүлшэн, Ородой Холбоото Уласай соёлой габьяата хүдэлмэрилэгшэ