1367
Буряад уласай филармониин хэблэлэй албанай гэрэл зураг
Байгша оной июлиин 20-21-дэ Загарай аймагай Ацагат нютагта «Талын нүүдэлшэн” аяншалгын комплексто 10-дахи фестиваль “Голос кочевников” (“Нүүдэлшэдэй аялга”) үнгэрхэ. Хэмжээ ябуулгада Малайзи, Солонгос, Монгол, Хитад ба Ород уласай хүгжэмшэд хабаадана.
Энэ жэл фестивальда элдэб лайн-ап бэлдэгдэнхэй. Хүгжэмдэ дуратайшуул элдэб жанрай хүгжэм шагнаха аргатай. Хэмжээ ябуулгын айлшадые ехэ тайзан, томо 2 экран ба һайн гэрэл хүлеэнэ.
Түрүүшын үдэрые буряад бүлэг “Сагаан турлааг” нээхэ. Энэ үдэр тайзан дээрэ Макс Еилини, дуушан Дашима, түсэл Kilijek, тувинецүүдэй “Алаш” трио гараха. Үдэшэлэн малайзиин бүлэг The Venopian Solitude болон солонгос андеграундын рокернууд 3rd line butterfly хүгжэм гүйсэдхэхэ. Хэмжээ ябуулгын түрүүшын үдэрэй тоглолто Үбэр Байгалай мэдээжэ диджей Хагани Гулиева хааха.
Июлиин 21-дэ тоглолто 13:00 сагһаа эхилээд, этно-бүлэг “Урагшаа”, эрхүү бүлэг Happy Juzz, Khoоmei Beat бүлэг үдэртөө тоглолтодо хабаадаха. Үдэшэлэн монгол хүгжэмдэ дуратайшуулда ехэ монголой тоглолто табигдаха. Нэн түрүүн The Colors инди-рокернүүд хүгжэмөө зэдэлүүлхэ. Тэрэнэй удаа мэдээжэ монголой моринхууршадай ансамбль, Монгол орондоо мэдээжэ Niciton бүлэг болон бусад бүлэгүүд хабаадаха.
Хитадай Hanggai, Ocean Jet, Shaman & Shartner бүлэгүүд болон Вячеслав Бутусов ерэхээр хараалагдана.
Хэмжээ ябуулга харахаяа, Буряад филармониин кассада, kassy.ru и sibkassa.ru сайтнуудһаа, «Жассо тур» компанида билет худалдажа абахада болоно. Бүри тодорхой мэдээсэл иимэ утаһаар мэдэжэ абахада болоно: (3012) 21-32-24, 210-555
