1366
Буряад Уласай соёлой яаманай хэблэлэй албанай гэрэл зураг
Байгша оной июниин 25-да Буряад уласай Үндэһэтэнэй музейдэ Этигэлэй хамба ламада зорюулагдаһан элидхэл хэгдэжэ, тэрээн тухай шэнэ фильм сугларагшадта дурадхагдаха.
Заншалта ородой буддын шажанай элдэб янзын үндэһэтэнгүүдэй болон ородой соёлнуудай зохилдол Этигэлэй хамба ламын наһан, ажаябуулга дээрэ харуулжа элидхэл хэгдэхэ.
Этигэлэй хамба лама тухай фильм юрэнхылэгшын грантнуудай Жасын ба Ородой Холбоото Уласай Буддын заншалта Сангхын тэдхэмжэтэйгээр буулгагдаа.
Хэмжээ ябуулгада түсэлэй гүйсэдхэхы захирал, культурологиин Шэнэ дээдэ һургуулиин захирал, түүхын эрдэмэй кандидат Нина Кочеляева, түсэлэй ахамад зүбшэлэгшэ, Ивалгын дасанай хэблэлэй албанай хүтэлбэрилэгшэ Алла Намсараева, түсэлэй холбоо нүхэр, Буряад уласай Үндэһэтэнэй музейн захирал Татьяна Бороноева, Зүүн Сибириин гүрэнэй соёлой дээдэ һургуулиин багша Лариса Николаева, культурологиин Шэнэ дээдэ һургуулиин эрдэмэй мэргэжэлтэн, уран зохёолой редактор Евгения Пахоменко хабаадана.
Хэмжээ ябуулга июниин 25-да 12:00 сагта Буряад Уласай Үндэһэтэнэй музейдэ иимэ хаягаар үнгэрхэ: Улаан-Үдэ ,Профсоюзная гудамжа, 29.Тел: 21-40-08.
