​Буряад Уласта Александр Химушинай гэрэл зурагуудай үзэсхэлэн нээгдэхэ

Буряад уласай соёлой яаманай хэблэлэй албанай гэрэл зураг 

“Нүүдэлшэнэй абяа дуун” фестиваль гэрэл зураг буулгагша-аяншалагша Александр Химушинай үзэсхэлэнгөөр нээгдэхэ.

10-дахи “Нүүдэлшэнэй абяа дуун” (“Голос кочевников”) фестиваль «Дэлхэйн нюурнууд» гэһэн үзэсхэлэнгөөр нээгдэхэ. Үзэсхэлэнэй гэрэл зурагуудые буулгагша Александр Химушин сүлөө аяншанби гээд өөрыгөө нэрлэнэ. Тэрэ Яхадта түрэһэн намтартай. Мүнөөдэртөө Австралида ажаһууна. 2009 онһоо эхилээд, тэрэ аян тухай дэлхэйн утаһанай блог хэжэ эхилээ. Дэлхэй дээгүүр аяншалһан газарнуудай гэрэл зураг буулгаһан байна.

Үзэсхэлэндэнь зорюулжа, “Талын нүүдэлшэн” аяншалгын комплекс томо һэеы гэр бэлдэжэ байнхай.

-Энэ зун Сибирь ерэнхэй һаа, дүтэлэгты, би ехэ баяртай байхаб. Июлиин 20-21-до таанадые өөрөө угтаха аргатай байхаб. Таа бүгэдэниие томо заншалта һэеы гэртэ табигдаһан үзэсхэлэндэ баяртайгаар угтахаб, - гээд ниигэмэй интернет утаһандаа Александр Химушин бэшэнэ.

Буряад уласай аяншалгын яаманай болон Ородой Canon эмхиин тэдхэмжэтэйгээр үзэсхэлэн үнгэрхэ.