Буряад Уласай соёлой яаманай хэблэлэй албанай гэрэл зураг

Байгша оной июлиин 2-һоо июлиин 7 хүрэтэр, Ионическэ далайн эрье дээрэхи итальян Касталланета Марина хотодо уласхоорондын баледэй семинар үнгэрнэ. Хэмжээ ябуулгада Михаил Овчаров, Мегуми Сакано болон Тимур Дымчиков хабаадана.

Тэдэнэр Бари хотодо томо гала-тоглолтодо хабаадаха, хэшээлнүүдтэ ябаха. Ахамад хатаршан Михаил Овчаров ба баледэй артистка Мегуми Сакано харагшадта “Спящая красавица» баледһээ па-де-де болон Клод Дебюссиин хүгжэм доро “Лунный свет» гэжэ уран бэлигэй номер харуулха. Улаан-Баатарта үнгэрһэн уласхоорондын баледэй илагша Тимур Дымчиков “Талисман” гэжэ баледэй вариаци болон «Хүбүүн” гэжэ номер хатарха.

Энэ баледэй семинар зунай заншалта хэмжээ ябуулга болонхой. Италиин элдэб хотонуудта гурбадахи жэлээ үнгэргэгдэнэ. Үнгэрһэн жэлдэ театрай артистнар тэрээндэ хабаадаһан байна. Мүнөө жэл дахинаа буряадай оперо болон баледэй театр хэмжээ ябуулганда хабаадахыень итальян тала уриба.