1349
Байгша оной ноябриин 4-дэ, бүхэроссиин ниигэмэй-соёлой акциин хэмжээндэ, арадай нэгэдэлэй үдэртэ дашарамдуулан соёлой хэмжээ ябуулга үнгэргэгдэхэ.
«Соёл урлагай һүни» гэһэн хэмжээ ябуулгын үедэ бүхы гүрэнэй соёлой эмхинүүд хэжэ байһан ажалтаяа танилсуулха, өөрын суглуулбаринуудаа дахинаа эмхилэн, олон харагшадые һонирхуулха аргатай. Хүгшэн, залуу, эрдэмтэд, юрын харагшад гэжэ илгангүй, соёлой һүни тэдэниие нэгэдүүлхэ юм.
Буряад Уласай Үндэһэтэнэй номой санда 1973 ондо буулгагдаһан «Гагарин. Первый в космосе» уран һайханай кино үдэрэй 14:00-15:30 сагта харуулагдаха. Удаань 15:30-17:00 сагта 1958 ондо буулгагдаһан «Пора таежного подснежника» гэһэн уран һайханай кино олоной һонорто дурадхагдаха.
Үндэһэтэнэй номой сангай фойедэ «Артотека: для любителей искусства» видео-буулгабаринууд харуулагдаха. «Оглянись на красоту» гэһэн номой-зурагай үзэсхэлэн дэлгэгдэхэ.
«Соёл урлагай һүни» гэһэн хэмжээ ябуулгын түгэсхэлэй шатада «АRT-ОКНО» гэһэн түсэл бэелүүлэгдэхэ. Видео-буулгабари номой сангай сонходо дамжуулагдажа, газаагуур ябаһан хүн бүхэн хараха аргатай
Үдэшын 18:00-19:30 сагта Америкын Холбоото Штадуудта 1936 ондо Чарли Чаплинай наадаһан «Новые времена» гэһэн уран һайханай фильм харуулагдаха. Удаань 19:30-20:00 сагта «Современная классика. Рояль и пианино» гэһэн видеоролигууд харагшадта дурадхагдаха.
