​​Эстрадын дуунай урилдаан

Буряадай Үндэһэтэнэй 1-дэхи лицей-интернат һургуулиин шаби Юмжана Батожаргалова ре­гион хоорондын “Наранай туяа” гэһэн хүүгэдэй эстрадна дуунай мүрысөөнэй гол шанда хүртэбэ.

Хүүгэдэй дунда үнгэрдэг энэ хэмжээ ябуулга 26-дахи жэлээ болоно гээд хэлэхэ хэрэгтэй. Энэ хугасаа соо оло­ной дура буляаһан “Наранай туяагай” һүүлшын шата Бу­ряад театрай тайзан дээрэ үнгэргэгдөө. Ехэ тайзан дээрэ 104 хүбүүд, басагад гаража, наһанай гурбан бүлэгтэ хуба­аран, эрхимүүдые элирүүлээ. Буряад Уласай бүхы айма­гуудай, тэрэ тоодо Хойто-Байгалай, Эрхүү можын болон Үбэр Байгалай хизаарай аза талаантай үхибүүд Улаан-Үдэ ерээ.

Буряад Уласай соёлой сайд Соёлма Дагаева фэйсбук-хуудаһандаа бүхы хабаадагшадые магтан, уран һайхан хоолойтой үхибүүд конкурсдо оролсоо гэжэ бэшэһэн байна. Тэрэ мүн шүүгшэдые тэмдэглээ. Тэдэнэй тоодо Буряадай эстрадын урдаа хараха дуушад оролсоһониинь һайшаалтай. Мэдэгма Доржиева, Валико Гаспарян, Алек­сандр Саможапов болон бусад түрүүшүүлые элирүүлээ.

Ансамбльнуудай дунда лауреадай дипломуудта Шэтэ хотын “Бэлигүүн” болон Северобайкальск хотын “Апрель” бүлгэмүүд хүртөө.

Нэгэдэхи шатын лауреадай нэрэ зэргэдэ гурбан үхибүүд хүртөө. 7-9 наһатай хүүгэдэй дунда Хяагта хотын Номина Рампилова шалгараа. Северобайкальск хотын Юлия Чухломина 10-13 наһатайшуулай дунда шагнаг­даа. Сэлэнгэ аймагай Сарюна Чимитова 14-17 наһатай үхибүүдэй дунда түрүүлһэн байна.

Павел Молчановай гэрэл зураг